Къийна республикее короновирусыка багълыбанана вазият дагъамба вухьейиб, Сувал’ни магьалыл’ни хиваршее мани сардан сакитийвалла вобна. Магьаlбна хабар хиваршее ишлемишехьени инсанаршина сагъламийвалла гьуваджени ташкилатбышди дохтурарше гьуво.

 Мирзоев Аlбдураlгьман Гыл’ме­цlни хивни ФАП-эй ишлемишехьен хаlдда сенбы водунбы. Мана гьинчиле сабара вахтна гьихъа коронавирусыке чlыры хъыхьа. Манкъуни увгьойка, мана чlырывалла джус меринкъукве хъигъевчlу. Мана ФАП-эйхъа арыйни чlырынкъвее абы.  Аl. Мирзоев ешбышее ыхьайхъа гора, мана чlырывалла гееб дагъамба ооlбху. Къийна мана хъуваркы, гьийрни ишил’ ишлемишихьи ворна. Чlырынбышис кумаг гьели, манбышис маалидже ыккекка.  Мирзоев Аlбдураlгьман Гыл’ме­цlни хивни ФАП-эй ишлемишехьен хаlдда сенбы водунбы. Мана гьинчиле сабара вахтна гьихъа коронавирусыке чlыры хъыхьа. Манкъуни увгьойка, мана чlырывалла джус меринкъукве хъигъевчlу. Мана ФАП-эйхъа арыйни чlырынкъвее абы.  Аl. Мирзоев ешбышее ыхьайхъа гора, мана чlырывалла гееб дагъамба ооlбху. Къийна мана хъуваркы, гьийрни ишил’ ишлемишихьи ворна. Чlырынбышис кумаг гьели, манбышис маалидже ыккекка.  Аl. Мирзоеве шакани горушее увгьойн: «Гьихъа Гыл’мецlни хивее коронавирусыка, плевмониейка начахувхьайнбы вобний. Сабара гагьна манбышин сай агъалла хъехьи гидгъыл. Манке чlыры хъувхьайнбышди аlрее зынар ыхьана. Манке хивее начахьувхьайнбышин сай къанкъуле агъалла ыхьа. Чlырыхъувхьайнбышике са инсан хъикlу. Гьаlшде магьаlбынбы дешинбы. Начахынбы хиве девхьай закlле вакцина гьавуйке къеджи. Гьаlшде хиве геллесда вакцина гьаъуна ворна. Сабаранбы ревакцинация гьаъас гьаlзироохьи вобунбы».  Аl. Мирзоевни увгьойква мана нагьаlбна писда азар вухьай гыргынкъукlле югда ацlа. Манчихъа гора, вакцина гьидяувъуйнбы хъыlдябкьын, вейбар ыlхаlс хъоотlал. Манкъве вакцинайке инсанаршис хаlдын кумаг водунва эйгьи. Къийна Сувал’ни магьаlлыл’ни хиваршее короновирусна чlырывалла девхьайиб дохтурукlле, гьавъуйни вакцинайке къеджи. Заквани горуше агъсахъхъал дохтуре вакцинайке хъидявкьаlнс вукканва къейдау. Манче садджу инсанаршина сагъламийвалла гьувааджес. Пандемиейн оlги мани саягъыл’ алятlас ахаlсынва, Аl. Мирзоеве увгьо. Дора Аl. Мирзоевыс джанана сагъвалла, ишил’  угъурбы аlрзааъас!