Четверг, 05 декабря 2019, 21:02

Войдите в свой аккаунт

Пользователь
Пароль
Запомнить меня

ЫIмрехъаб кьоIбле сурат вобна

Автор Понедельник, 29 июля 2019, 09:45 448
ЫIмрехъаб кьоIбле сурат вобна
||| ||| |||

Дюнйейлхъа арыйни гьар инсаныхъаб джуна ыIмыр, джун язы, джуна бахт вобна. Аллагье гьайни гьорани дюнйейлхъа арына инсан, гьаммашийни дюнйейлхъа ааIссе ёхламишаъана. Мысаджар гьувойни ыIмрелхъа наразийра ихьес ыккан деш. АллагьыкIле гыргын къеджи водун. ЧIырвалла гьооленар Аллагь ворна, чисда дарман гьааъанар Мана ворна.

 Инсан гыргынчилхъа вардешехьена. Инсан къаанче деш, аанче сагъра ихьес ыккан. Агар йикI темиздахье, манкъун гьаIракатбыд, ниятбыд темизинбы водунбы.Инсан гыргынчилхъа вардешехьена. Инсан къаанче деш, аанче сагъра ихьес ыккан. Агар йикI темиздахье, манкъун гьаIракатбыд, ниятбыд темизинбы водунбы.Гьайни дёлесийвале йишди редакциейхъа лап джегьил' гаде ГьаIдаев Рамазан джуни адийква Расият ГьаIджиевыква абы. Гаде едике ыхьайле хъийгъа инвалидни коляске ийкар. ЦIерра закIле мана къаджейнкъаI язух абы. Гойне ши делесгъанче манкъука танышивхьайнкъа, манкъуни баджарагъуле, гьаIракатыле, ыIмрелхъани гьавасыле маIъдалувхьайнбы. Манкъуни ыIмрен язы маIгьад ыхьа, маIгьабна ыIмыр кьисматувхьа. Рамазан гьаIшде джуни адийквайий дидейква МаскIав ешемишоохьи. АIреенче вахт абкIынмеега, манбы ейлягъыс Дагъыстанеехъа абайли. Манкъуни джанее кьоIни миллетна: цIаIхбышдайий аварбышда эб вобна ивийкар. Ватаныке аIкьана ешемишехьи ыхьейир, Рамазаныхъад джуни ед'ни мизелхъан аIшкь, мана миз' хаIбхъувхьесын гьавас сен-сениле гуджлемишхьайн. Мана редакциехъа арына макьсад – цIаIхна адабиятна миз' хаIбхъувхьай вухьа. Йишин манкъулхъан ыIгьтибар, марах ва умудбы гьалед гуджлемишхьа. Редакциейн йишди мигьманыс пайис цIаIхни мизелин ва цIаIхбышди таарыхын китаббы гьуво. МислягьаIтеехъа хъабыйнбы геледжагъыл' сана-санкъукан алаакьабы гьуваджес. Имкан вухьайнкъаI, онлайн формате манкъус цIаIхни мизекен ва адабиятыкен дарсбы гьелес. Гойне Рамазанни адее Расияте шас джени невайни гьаIкIеедын кIылин маIълумат гьуво: «…Рамазан баджарагъукана, ыIмрелхъа гьаваснана гаде ворна. МанкъукIле инвалид эгьес, гIал' ачмишехьи деш. Гьел'бедти, дагъамийваллабыд мани сардан водунбы, анджах Аллагье шас гьаммаше имканбы гьеленбы, манкъукIле быкырывхьана ыIмыр гьаагвасын. Нишееджар ши мана къирагъылхъа хъаъа деш. Манкъвее МаскIавни са маIгьабни ушахаршис гьазирауйни мактабее хъаIдаххъа водун. Манкъун хъаIдхъийид аIълаада водун. МаъаIллимар манкъуле, вудж джоле гьаммаше разийба аахва. 3 сыныфыке мана шахматын оIюнбы гьувагани мактабеехъа гьайкIан. Гьар сен мана мактаббышди аIреени мани оIюныкени баIстбышее иштыракаъа. Манбышди дестейн 2 ва 3 джигабы аххъы. Гьалекийс мана текра деш гьувага, мана садибра дестейни къурлышее гьувага.  Манбышди мактабни дестейн А. Карповни ва Ботвинникни шахматни мактаббышиква баIстбы  гьаъанкъаI, йыIкьал' манбышиле авху деш. Рамазаныхъад хаIдын аIшкь адабиятылхъаныд водун. Манкъвее гьар джура  шечIбы хъаIдаххъани конкурсбышее иштыракаъа. Ушахаршини язычее джени адабиятни маджлисее Рамазаныс джен шечIбы друстда хъаIдхъыIва нукIранын медал, грамота ва джен китаббы пайис гьуво. Джухъадыд джун асарбы окIанас хаIдын гьавас водун. ШавукIлене ацIа, мункум вобна манкъун до шааирын хьинне савахтал' къайиххьес.Ютубее Рамазаныхъаб джуна ТВ десте «Рамзес» вобна. Манкъвее махъа ушахаршин оIюнбы, меххвар, мультфильмбы гийххьи ва манчис джун сес гьели. Гьалекийс манкъвее мана иш, сес бадалхьа кIыл'хъыхьайхъа гора, гьабсыр вобна. ГьаIшде манкъуни сесис дохтурарше маалидже гьаъа водун. Ман джигайлхъа хъадымее, мер мана «Рамзесни» эфиреехъа йишонаъас хъигъечIесда. Горушни аIхрее ши йишди кьаIгьраманыкван шикыл'бы едигарыс ыIхы ва мислягьаIтеехъа хъабыйнбы, МаскIавхъа йаIхъ гибхьыйнкъаI, Рамазанысхъа мигьманна вуIххъас ва манкъуни угъурбышиква джигайл' танышивхьес!

Оцените материал
(0 голосов)

Читайте также

Россельхозцентр: «В Дагестане подготовят прогноз распространения саран…

дек 05, 2019 Общество

...................................................................................................

Дагестан получит более 1,2 миллиарда рублей за эффективную работу руко…

дек 05, 2019 Политика

...................................................................................................

В Дагестане начала свою работу «Медиавстреча на Северном Кавказе».

дек 05, 2019 Общество

...................................................................................................

В Правительстве Дагестана обсудили производство контрольно-кассовых те…

дек 05, 2019 Экономика

...................................................................................................

В Дагестане назначен новый замминистра МВД

дек 05, 2019 Общество

...................................................................................................

Владимир Васильев вручил Абдулманапу и Хабибу Нурмагомедовым высшие на…

дек 05, 2019 Политика

...................................................................................................

В Махачкале ожидается временное отключение газа

дек 05, 2019 Общество

...................................................................................................

В Кулинском районе состоялось торжественное открытие двух мостов

дек 05, 2019 Общество

...................................................................................................

Управление ФСБ по Дагестану выявило экстремистские материалы в соцсе…

дек 05, 2019 Происшествия

...................................................................................................

Пожарная безопасность в новогодние праздники

дек 05, 2019 Общество

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru