ЦIебба джаванар СВО мобилизациейхъа алябатIа шаца сентябрьни вуза гибгъыл. Манке эскерийвалейхъа алябтIыйнбы къийна сабара гагьыс истирагьаIтбышис къоокка вобунбы. Хушет ешемишехьена Лекни хивейнчена Мирзоев ДжуIма ЫIсмаил’на дихыр манбышди джаргее ворна. Гьайни йигъбышил’ мана хизанысхъа саркIыл. ЦIебба джаванар СВО мобилизациейхъа алябатIа шаца сентябрьни вуза гибгъыл. Манке эскерийвалейхъа алябтIыйнбы къийна сабара гагьыс истирагьаIтбышис къоокка вобунбы. Хушет ешемишехьена Лекни хивейнчена Мирзоев ДжуIма ЫIсмаил’на дихыр манбышди джаргее ворна. Гьайни йигъбышил’ мана хизанысхъа саркIыл.
ДжуIма Россиейл’ мобилизация гидгъылни цIеддыйни йигъбышил’ эскерийвалейхъа аляртIу. Мана сабара гагьна гьамбазаршика Чечен Республикее гьаIзирийвалла илгъевчIу. Военный ишбышин къулай хаIд хъухьайле хъийгъа, манбы Донецкни Республикейхъа абкIын. Хьобле вазна мааъад джурабаджура шагьарбышее адкIынни вурушбышее иштыракау. Хъийгъа мана Запорожьейни вилаетеехъа йаIххъыл’ гьау.
Мирзоев ДжуIмайна кок Лекани хивейнчена вобна. Мана 1979-ъэсди сен едике ыхьа. Манкъве Лекныйий Гыл’мецIни мактаббышее хъаIдхъыI. 2000-2002-ъэсди сенбышее Амурни вилаетни Благовещенскни шагьарее эскерийвалла гьавъу. Эскерийвалла быкыравъуйле хъийгъа, Екатеринбургни, Ивановни шагьарбышее ишлемишхьа. 2020-ъэсди сениле хъийгъа МагьаIчкъалайни шагьарее ешемишехьи.
ДжуIмайн эскерейнче хъарый хаIбна шадвалла вухьа. Манкъуни хизаныыкIле, гогьар-гьамбазыкIле, дёлесинбышикIле мана истираIгьатыс хъалес ыхьай гьийгъанче гьихъа ацIа ыхьа. Манбыше ДжуIма гозетяъа ыхьа. Эскер хаахъа гьирхьылмее, манбыше хаIбна дават гьуво.
Гыргынкъуле хаIрра ДжуIма хаабынбыше гозетяъа ыхьа. Манкъуна ёлдаш Самая баджейий, йиш Тезегуле ДжуIмайн хаахъа хъарый гозетяъан хаIбба вахтний. Манбыше шаквани горушее увгьойн: « Хаана есси эскерейхъа аркIынийни йигъыле джохъад хаIмдийн някI дешин. Йишин фыкырбы манкъуква ыхьа. Манкъве нимее хаIдда зенгбы гьаэйид, шас мана дёлесвалейнчений къаджес ыккан. Къийна йишда мурад быкырувхьана. Мана шаквасана, йишди кIане ворна».
ДжуIмее СВО ыккеккани шагьарбышее къаджейнчикейий къайихьыйнчике гаф гьааъанкъаI увгьойн: «Мобилизациейхъа гирхьуйн цIеддыйн вузар джунимее сибыкынбы ыхьа деш. Ши Чечнайл’ югба гьаIзиравъуйнбы. Мааъад шас кIелидхьынийн карбы тезеданда хаIдхъау. Югна гьаIзирийвалла алгъавъуйле хъийгъа, ши махъа оIтиравъу. Одхьунийкенайий илёдгъуйкена кеситийвалла мааъаб дешда. Аляъасын палтарбыд гьеххаалика гьеленбы. Шавааеэйгьи мааъад мани сардан дагъамийваллабы водунбы, ман нагьаIкьын ихтилет водун».
ГьаIшде СВО ал’гьааIни джигее хаIбба дагъыстанлы джаванар вобунбы. Манбыше гьаIкIени игитерше хьинне ватаныс хидмат гьааъа. СВО экIда таамхьесдимее яваш девхьа, вурушмишоохьи вобунбы. ДжуIмайни увгьойка, манбышикар вудж экIра-экIра хъызаххана, хъидгIынбы гаъанбы. Лазымни джигее кумагбы гьеленбы.
ДжуIма 15-д йигъна истираIгьат гьауйле хъийгъа, мер СВО сакIалас. Гьалекийс манкъве джус гьувойн истираIгьатын йигъбы уфтанда алгъайгьи водунбы. Гьар йигъыс джусахъа хошгелдийс вуххъаIнбы къаршиламишааъанбы. Манбышиквани горушбышике шадехьена. Абыйни мигьманаршис Россиейни эскераршини игитийвалике, джомардийвалике, баджаругъуке гаф гьааъа. Гьар манкъуна кьоIбъэсда кал’ма ши нишихъаджаб ил’дяакы гъамувхьесынбы вобна».
