Войдите в свой аккаунт

Пользователь
Пароль
Запомнить меня

Йиссейн баругбы, амма тезе чардахбы

Автор Юсуф Бабаев Пятница, 27 ноября 2020, 11:15 358

Сувал'ни магьаlлыл'ни хиваршее Республикайни хъаlдхъыйнийий ыlлымни минстерствайн гьагуйни «Тепловой режим» программайква  мактаббы абрелхъа адаччи водунбы. Районни хъаlдхъыйни управлениейн гьувойн маlълуматхъа гора,  мани ишбышис хазнейнче чlакlын пылбы кайиккы водунбы.Сувал'ни магьаlлыл'ни хиваршее Республикайни хъаlдхъыйнийий ыlлымни минстерствайн гьагуйни «Тепловой режим» программайква  мактаббы абрелхъа адаччи водунбы. Районни хъаlдхъыйни управлениейн гьувойн маlълуматхъа гора,  мани ишбышис хазнейнче чlакlын пылбы кайиккы водунбы.

 Мана программайква  мактаббышин чардахбы, къуллебы, аккабы бадалаъас. Манчиле савагьийда къуlмаала гьевлесдимее сыныфбышейхъа отоплениебы цlыцlаъас.  Гьайни йигъбышее мактабышее гьаъани ишбышика делесвалейнче танышхьесдимее йаlхъ сувал'ни дерайл'ни  хиваршейхъа авхъу. Къаджейнчике зы шадхьа деш.  Ишбы Хьойикни, Мишлешни, Муслагъни, Джинаlгъни, Мухаlхни хиваршее ыккекка водунбы. Аттални хивее иш гибгъыл деш. Калел'ни хивни администрациейна хааlрна И. Гьаlджиевни увгьойка, хивейхъа машнена йаlхъ девхьайхъа гора, чини вахтал' тикинтийн материал гьихьараъас аlхыl деш. Тикинтийн ишбы ыккекканбышее добы агъмишауйни хиваршее водни мактаббышис уфтанын чардахбы ыхыlйнбы. Манчис джуваб дешин. Амма баругбышис ыхыlйхаlн сайдинг зас кьабыл'хьа деш. Ман нейинки зас, мактаббышин вукlлелинбыб манчика разийба дешобонбы. Манбыше йиссейн хъодуйн баругбы дюгул' гьаъасдимее, кlуlван пластмасын сайдинг ишлемишаъа. Манчинаб ыlмыр хылийба вухьес деш. Са-кьоlни сенике ман темизда хъоды джурахьесын. Мани ишбышис гьокуlматын югун пылбы къайиккы водунбы. Дора мисалайс Хьойикни хивын мактаб алятlас. Гьайни сен «Тепловой режим» донани программайква гьокуlматын мактабыс сура милйоныле агъаллан пыл джурау. Амма манчис сикlы вуккеккана иш са кlапlкlес хъидётlа. Манчиле савагьийда шаца мактаб ремонт гьаъасдимее районейнче джурайда пыл къайиккы. Шацыйнийий гьайни сен къайиккыйни пылыке хивее тезе мактаб аляъас эйхьийий. Амма манчихъа ил'дяакы, къийнад мактаб лазымни къайдайлхъа хъады дешин. Магьаlбна вазият Сувал'ни дерайл'ни гыргыни мактаббышее яранмишувхьа вобна. Мысылхъамене гьокуlматын йиссейни мактаббышис тумар ывхаlс? Кьаlсын джан уфтанни палтарбышика мысаджад дюгыл' гьаъас аlхаlс деш. Манчихъа гора, мактаббышис къайиккын пыл исрыфыкайий эйнигиква ишлемишаъас ыккан. Уджузни тикинтийни материалбышиква иш гьаъас вуккан деш.  Мана темизна беябырчийвалла вобна. Тикинтийн ишбы ыккекканбы къийна вобунбы - къийхъа авайкес деш. Хивни администрациейни вукlлелинбыше, мактабни директорарше  манбышди ишис назарат гьааъас вуккан. Няъас увгьое, мактабейхъа билиг алятlас хивее воохьенбышин ушахар хъабайли. Сайдинг энки уджузун материал водун. Ман экlда гёдхьанан маиериал водун. Аллагье гьидягван манчис цlа хъетlве, натиджабы писинбы ихьес. Манчихъа гора, пластмасын сайдинг гедж гьидявъу,  йуванчике бадалаъас ыккан.Ман йизын, журналистын,  теклиф водун.  Хиваршее ешемишоохьен инсанарыб эле йизди фыкрее вобунбы. Заквани горушее манбыше мактаббышее мани сардан къеджени ишбышике наразийвалла агъмишавъу. Атталхъа «Тепловой режим» прграмма гьибкыр деш.  Манчихъа гора, манбы «Холодный режиме» кьыlдим алгъаъас.

Оцените материал
(0 голосов)

Читайте также

В Миннаце Дагестана прошла антинаркотическая акция "Начни с себя…

янв 28, 2021 Вакцинация

...................................................................................................

Учащиеся Кининской школы Дагестана провели акцию «День добрых дел»

янв 28, 2021 Образование

...................................................................................................

Прокуратура Рутульского района проведет прием граждан с выездом в сель…

янв 28, 2021 Общество

...................................................................................................

Коллектив Минтруда Дагестана ознакомился с условиями и процессом вакц…

янв 28, 2021 Вакцинация

...................................................................................................

Коронавирус: ситуация в Дагестане на 28 января

янв 28, 2021 Общество

...................................................................................................

Вакцинация

В Миннаце Дагестана прошла антинаркотическая акция "Начни с себя…

янв 28, 2021 Вакцинация

...................................................................................................

Коллектив Минтруда Дагестана ознакомился с условиями и процессом вакц…

янв 28, 2021 Вакцинация

...................................................................................................

Сотрудники Минмолодежи Дагестана готовятся к вакцинации от COVID-19

янв 28, 2021 Вакцинация

...................................................................................................

Сотрудникам мэрии Махачкалы сделали прививки от коронавируса

янв 27, 2021 Вакцинация

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru