УIл’джумни сифтийни йигъыл’, ноябрьни 16- чил’, цIаIхбышди хиваршин имамар зияратаъас Дагъыстанни муфтийсахъа шейх АIгьмад гьаIджий АIбдулаевысахъа гьабкIын. Манчини гьаIкIеедын маIълумат «Нур» кIазетыс ЦIаIхни дерайни хааIрни имаме Эл’дар гьаIджий Сулейманове гьувы. Манкъвее увгьойн:УIл’джумни сифтийни йигъыл’, ноябрьни 16- чил’, цIаIхбышди хиваршин имамар зияратаъас Дагъыстанни муфтийсахъа шейх АIгьмад гьаIджий АIбдулаевысахъа гьабкIын. Манчини гьаIкIеедын маIълумат «Нур» кIазетыс ЦIаIхни дерайни хааIрни имаме Эл’дар гьаIджий Сулейманове гьувы. Манкъвее увгьойн:
. — Йишди ниятее Дагъыстанни муфтийсахъа зияратаъас гьабкIыний оIгее джад ыхьайн. Анджах аIхреени вахтал’ ыхьайни сабара сабаббышихъа гора , вуIххъас манке девхьайнбы. АIреехъа чIырвал’бы, карантинбы эчIу. Гьайни элейс шас кьисматхьайн Аллагьни кумагыква, раIгьамыква, маIргьаматыква мана кIыл’на гьаIдж быкырааъас. Шахъар, гьар хивыхар, джона имам ворна. Диныква алаакьан миллетын месалабы ши садибда гьаIллаъа. Гьайни элейсыб, сабара шаке аIслыда дешди багьнабышике, гыргын имамар вуIххъас ваIвхы деш. Манбышисыд муфтийквани горушеехъа вуIххъас гейб вуккийкын. Ин ша Аллагь, ман дилягыд АллагьыкIле къайиххьесын. Йишда сафарийиб Пейгъанбар МуIгьаммад (аIл.с.) едике ыхьайни вузалхъа хъабы. Манаб са хаIбна маIргьаматыйвалла вобна.Заква сана шейхысахъа зияратаъас Гыл’мецни хивна имам АIсадуллагь гьаIджий , Мишлешни хивна имам Сабир гьаIджий, Лекни хивна имам ГьаIйдар ВаIгьидов, Бабаюртни районеени Мишлешни бинайна имам Рамазан ЫIсмаилов гьабкIын. Дагъыстанни муфтие АIгьмад АIбдулаеве йишда десте джуни хааъаб уфтанба къаршиламишавъу. Суфраныл’ гювъурийнкъаI , манкъвее ваъаIзбы гьелена гаф шаква гьавъу. Йишди джамаъаIтыс хайир доъаIбы гьеххъы. Джигабышил’ нягьаIбый джамаъаIтыквана иш вуккейс, нишилхъайий фыкыр гьевлес имамаршис мислягьаIтбы гьувы. Саджигее джамаъаIт куб гьавъу. Гьар имамылхъа манкъун нур гьидхьыр. Горушни аIхрее саджигее едигарысын шикыл’бы цIыцIаъу.
