Мартни йицIуххьанчил’  быкырни дюнйейл’ кар илещенбышин ихтиярбы гозетяъан Йигъ алгъайгьи. Мани йигъыхъад йиссейн таарых дехьейид, йишди увгьойква, манчихъад вааджибыйвалла вобна.

 Къийна инсанна ыIмыр одхьанни караке, аляъани палтарыке, ешемишехьени джигайке, аляатIани маъаIшике аIслыба вобна.  Советни  девырее йишди гьоIкуматыл’ пIланыкан экономика ыхьа. Манке гыргын кар лазымни къайдайл’ гьамаварда масса гьели ыхьа. Масса гьелени карахъад гиххьыйн къийматбы ыхьа. Гьар къеккани карахъад  чис аидын лышан ыхьа.  Манчина кьийматыб гьавъуйни заIгьматыке ва ишлемишауйни малаке аIслыба вухьа.  Агар валедалхъа кьийматбы къалхымишеъээ, ёхламабыний гийгъал, диванний къацIайкIван.Къийна инсанна ыIмыр одхьанни караке, аляъани палтарыке, ешемишехьени джигайке, аляатIани маъаIшике аIслыба вобна.  Советни  девырее йишди гьоIкуматыл’ пIланыкан экономика ыхьа. Манке гыргын кар лазымни къайдайл’ гьамаварда масса гьели ыхьа. Масса гьелени карахъад гиххьыйн къийматбы ыхьа. Гьар къеккани карахъад  чис аидын лышан ыхьа.  Манчина кьийматыб гьавъуйни заIгьматыке ва ишлемишауйни малаке аIслыба вухьа.  Агар валедалхъа кьийматбы къалхымишеъээ, ёхламабыний гийгъал, диванний къацIайкIван.Совет гьоIкумат дагъылмишхьайле хъийгъа, пIланыкван экономикад дагъылмишхьайн. Ман базарни экономикайлхъа илгъечIу. Кьийматбы къайиккыйнбы. Гьар кар масса гьеленкъвее,  джун кьийматбы малалхъа гийххьи гидгъыл. Сергьатбы ачмишхьайле хъийгъа, базарбышеехъа, магазинбышеехъа хаариджий оIлкабышиле  одхьанан кар, аляъан палтар, ыIгьтаджбы, дарманбы, техника, мал сел’хьинне хъооIгидгъыл. Манчини саламатийвалихъа, цIеббыйни вахтал’, иляаканбы вухьа деш. Хаариджийле хъооIни малан,  йишди гьоIкуматыл’ къеккан хаIдданан мал базареенче гьичIидхырийн, няъас увгьее къирагъыле алишуй вахарийда ва уджузда ыхьа ад оIлкайл’ гьаъанчиле. Йишин гьоIкумат хаIдын ыхьейид, манке шараитбы ва мислягьаIтбы къадже деш. ХаIдданан заводбы, фабрикабы, комбинатбы, цехбы утIумхьайнбы.  Маныд хаIдын саIгьв ыхьа. Къийна манчика инсанар растына хъабы.Ваз быкыроохьи вобна Украинайл’ спецоперацие аIлгъаан. Къийна йишди Армиейн ман къонши оIлка националистаршике, бандеровцаршике, фашистаршике темизяъа водун. Анджах къабни душманаршис ман кьабылехьи деш. Россияйн экономика бошехъаъасдимее, Америкайн ва Авропайл’ни хаIдданани гьоIкуматбыше шас санкциебы гиххьы. Йишди гьоIкуматылхъа кар къекка деш, хаIдданан йишди гьоIкуматыл’  хаариджий ташкилатбы: заводбы, концерныбы, корпорациебы , магазинбы, хорагбы гьаъан ва одхьанан джигабы багъламишауйнбы. Анджах сабара экспертаршди увгьойква, са сураке ман югда водун, няъас увгьее манчини джигее йишин ташкилатбы ишлемишехьи гигъалас. Гьел’бедти, манбы гьаIракатеехъа адчесдимее вахт лазымба вобна. Манке йишин адын экономика артымишехьи гигъалас. Манчихъа гора,  масса гьелени каралхъан кьийматбышил’ беранувхьес вуккан.  Къийна базареедын кьийматбы къат-къатна ахты хъыхьа. Инсанаршике алищес аIха деш. Ши къаммышоохьенбы, лап хаарыджийле хъооIни малалхъана кьиймат хаIбхъувьесда, няъас увгьее манбы къекка деш. Анджах, инсанар къаммишоохьи деш, няъасый базаре хоI, чей, макIаран, чуру, калам, кIартыф, абаджур ва медын цIедда лазымехьен карбы гранхьа. Манбы йишди гьоIкуматыл дишде къекка водунбы?!. Къийна сабара алверчерше инсанаршини вазиятыке истифаада гьаъа.  Йишди увгьойква, манбыб абын душманар вобунбы.  Манчилхъа инсанаршин  ихтиярбы гозетяъани ташкилабыше гуджнакавана фыкыр гьевлес вуккан. Барабарыйвалла гозетяаъас вуккан. Инамаъан, мана дагъамна вазият сабара вахтале юг хъивхьесда.