Дагъыстан хаIдда сувабынана республика вобна. КьыIдим сувабынани районбышеехъа йыIкьда хъайли, няъас увгьее мааъад йиз хаIдда гёгъа ва мыкIаал’быд гуджнада эхьи.
ЧIакIын йизбы гёгъумее, поштина йаIхъ утIумоохьи, аIрагбышиле, чухурбышиле, ямаджбышиле кIена ыкIейкIбы, савругбы адайли. Шаца ЦIаIхни хивеехъа абына ыкIейкI шас йикIел’ вобна. Манчин хаIбна фаляакат абы: хайбы, йицIабы, йаIхъбы гьыIгъакарау, машинбы хъаъайкы, багъбы, йиваар гьакьвар-гьийхваIрау. Абыйни ыкIейкIын хаIдда йигъбына алидни дерайлин хивар поштини йаIххъыке къацIадкIун. Манчин хаIдын зиян ЙыIкьнекни манзикыс гьуво. Хив абрелхъа абчесдимее ва ыкIекIыке поштина йаIхъ ачухааъасдимее, хаIдын кумаг Дагъавтодорын ва МЧС-ын, чини пожарный частин гьуво. УIл’джумбына манбы ЦIаIхее ишлемишивхьа. Быкырни къыл’на Автодорни ишчерше падборбы аляу, йаIхъбы аIкьхъау, хив либасеехъа абчу. ЧIакIын йизбы гёгъумее, поштина йаIхъ утIумоохьи, аIрагбышиле, чухурбышиле, ямаджбышиле кIена ыкIейкIбы, савругбы адайли. Шаца ЦIаIхни хивеехъа абына ыкIейкI шас йикIел’ вобна. Манчин хаIбна фаляакат абы: хайбы, йицIабы, йаIхъбы гьыIгъакарау, машинбы хъаъайкы, багъбы, йиваар гьакьвар-гьийхваIрау. Абыйни ыкIейкIын хаIдда йигъбына алидни дерайлин хивар поштини йаIххъыке къацIадкIун. Манчин хаIдын зиян ЙыIкьнекни манзикыс гьуво. Хив абрелхъа абчесдимее ва ыкIекIыке поштина йаIхъ ачухааъасдимее, хаIдын кумаг Дагъавтодорын ва МЧС-ын, чини пожарный частин гьуво. УIл’джумбына манбы ЦIаIхее ишлемишивхьа. Быкырни къыл’на Автодорни ишчерше падборбы аляу, йаIхъбы аIкьхъау, хив либасеехъа абчу. Гьайни сеныд Сувал’ни маIгьалыл’ йизбы ыхьайнбы. АIсас чIакIын йизбы мартыни вуза гёгъу. Эн къорхуйкана ыкIейкIбы адайлена вахтыб мартна ваз вобна, няъас увгьее манке чуIван, йыIкьын йиз гёгъа. Ман окIале , балахыле экIда гьийгIан. Мааъаб ешемишоохьени инсанаршини увгьойка, сувани этякбышил’ хаIдда йизбы водунбы сады. Йигъыс къаршеени сувабышиле ыкIейкIбы хъода. Са-кьоIдле йигъна гьихъа, Хьойикни хивни къаршеени ЦIакьарайни чухреле кIена тоозаквана ыкIейкI абы. Югда ыхьа ки, манчин инсанаршис зиян гьуво деш. Анджах, мункум вобна, мебнаб аблес. ХаIбна къорху ыкIейкIыке ЦIаIхни, Аттални, МуIхахни хиваршис вобна. Хьойиккени пожарный частини хааIрункъуни АIгьмад Раджабовни увгьойка, джо гыргыни хиваршини чIакIынбышис, мактабни директораршис мани къорхуйкена хабар гьуво вобна. Джони частини ишчершеб хаIм-йигъна мани фаляакатыкена къаравулийвалла гьааъа вобна. ЦIаIхни йыIкьнекни мактабни маъаIллимарше йигъыс дежурствабы ыккекка. Манбыше мактабеехъа хъооIн ва аIлгьаан ушахара ыкIейкI хъабайлени дерайке зараба-зараба алгъааъа. Инсанаршини джанеехъа шаца эвчIуна къорху, къийнаб мейиб вобна. 16-ди мартыни хаIмде ЦIаIхни хивеехъа хаIбна ыкIейкI абы. Манчин меб поштина йаIхъ утIумавъу вобна. Са ыкIейкIыб Муслагъни хивни къаршеенче абы. Манчин хивни авудни чейлягъеедын ёкьубле токIан диракбы хъиккекIалау, инсанарше истирагьаIт аляатIан аваданий гьыгъаккарау. Инсанаршис хатаа ыхьа деш.Аллагьыке доъаI гьооххъа, писди баляабышике, зиянбышике, фаляакатбышике йишин миллет гьуваджен ! Аамин!
