Аlхырейни сенбышее Цlаlхни дерайл’ хивар гьуваджесдимее хаlдда ишбы ыккека водунбы.  Гьайни йигъбышее сайиб суваабысда иш Джинаlгъни хивее гьавъу.

 Джинаlгъни хивын йиссейн някьвбы къоппагъыл’ ыхьайхъа гора, манбы хъоду  йаlххъылхъа хъооl ыхьа. Манчин оlги явашаъасдимее авудни сурал’ бенд аляъасди къарарейхъа хъабы. Гьаlшде мааъад 150 метр хылийвалийн бенд адчы. Манчина ахтывалла сабара джигабышее 2 метруйле агъалла вобна.  Хивыс делесни джигабышее манчина ахтывалла  кlыл’ хъоохьи вобна.Джинаlгъни хивын йиссейн някьвбы къоппагъыл’ ыхьайхъа гора, манбы хъоду  йаlххъылхъа хъооl ыхьа. Манчин оlги явашаъасдимее авудни сурал’ бенд аляъасди къарарейхъа хъабы. Гьаlшде мааъад 150 метр хылийвалийн бенд адчы. Манчина ахтывалла сабара джигабышее 2 метруйле агъалла вобна.  Хивыс делесни джигабышее манчина ахтывалла  кlыл’ хъоохьи вобна. Бенд аляъас кумаг Рутул районни администрациейн гьуво. Манбыше  мааъад тикинитйн ишбы ыккейсдиме хазнейнче лазымын кумаг къайиккы. Мани ишбышис заказ Калел’ни хивни администрациейн гьуво. Тикинитийн ишбы ООО «Дорстрой –К» ташкилатын  ыккы. Ташкилатна хааlрна Ш. Аlбдуллаевни увгьойка, гибгъылна иш чини вахтал’ таамаъасдимее  устадар гьаlракатыка ишлемишувхьайнбы. Манбы Мишлешни хивейнчена устадаршина биргада вухьа. Манбышихъад  гьеххааликва тикинитийн материалбы ыхьайнбы.  Мани карее кеситийвалла вухьа деш. Тезе аляуйни бендыле Джинаlгъни хивын инсанарыб шадоохьи вобунбы. Манбыше йиссейн ата-бабайн някьвбы гьуваджес чалышмишоохьен хаlбба вахтный. Бенд аляъуйле хъийгъа, манчис къорху дешда. Хивын джамаъаlт  тикинтийни ишбышиле геед разийда водун.Калел’ни хивни администрациейна хааlрна Ыl. Гьаlджиеве районни вукlлелинкъус  И.Ибрагьимовыс, ООО «Дорстрой –К» ташкилатни директорыс Ш. Аlбдуллаевыс, ишбы ыккыйни устадаршис, хивни джамаъаlтыс миннатдарийвалла агъмишавъу. Манкъве санаб гьавъуйни ишис ахтына къиймат гьуво. Манкъуни увгьойка геледжагъыл’ администрациейхъа иккяъани медни хиваршейид назарее аххъыйн ишбы водунбы. Манбыд кlылда-кlылда ишилхъа адчес чалышмишхьесда.