Июльни 30-чил Дагъыстанна ХааIрна Сергей Меликов мер Пейгъанбар ЫIсайни доюл’на динна марказ аляаъани джигее ыхьа. Манкъус гьамбазыйвалла сенатор Сулейман Керимове , РФ-ни ГьуIкуматни думайни депутате Хизри Абакарове, Дагъыстанни муфтийе, АIгьмад-гьаIджий АIбдулаеве гьавъу.

ЙикIел’хъаляъанки, июнни 28-чил «халкьына» манзик аляаъани джигее ыхьайнкъаI, регионни хааIрынкъве республикайн чIакIынбы мани тикинтийс кумаг гьелес гьазирба вобунбыва джуваб гьуво.ЙикIел’хъаляъанки, июнни 28-чил «халкьына» манзик аляаъани джигее ыхьайнкъаI, регионни хааIрынкъве республикайн чIакIынбы мани тикинтийс кумаг гьелес гьазирба вобунбыва джуваб гьуво.ГьаIшде манчис Сулейман Керимовейд хыл’ авхъас. «Сабара йигъбына гьихъа зы Сулейман Абусаидовичыка манчини гьаIкIеена гаф вукку. Манчиле гьихъад манкъве хьулехьейд кумаг гьаийн. Амма ковидын манчис мешатау. С. Керимов гьаммаше Дагъыстаныс кумаг гьаъас гьазирра ворна. Зы шахъар маIгьарна инсан, гьамбаз ыхьайле шадра ворна», — республикайни регьбере агъмишау.Джуни сурале Сулейман Керимове увгьойн: «Дагъыстанни уммайни гьийдын йизын бордж манзик быкыравъуй водун. Умудааъана, Оорункъуни кумагыка ши мана алявъу быкырааъасда».Динэгьлершини доюле регионни хааIрынкъус  ва сенаторыс Дагъыстанни муфтийе АIгьмад-гьаIджий АIбдулаеве миннатдарийвалла агъмишавъу. «Сергей АIлимович хьебеъэс гьиняхъа ары. Манчин хаIдданан кар эйгьи. Ши шокIле сагъулва эйгьи ва вушун ишбы югда адкIынийниме Аллагьыке дилегбы гьеххъа. Агар ши мани ишис садибда гьаракат гьеъээ, умудааъана , шахъад дагъамийваллабы ихьес деш», — муфтийе увгьо.Гьиняаджаб Сергей Меликов, Сулейман Керимов ва АIгьмад-гьаIджий АIбдулаев Украинайл’ гьабтIыйни дагъыстанны эскераршини едяршиква горушмишувхьа.  Сабара йигъбына гьихъа манбы гьаIджиле сабкIыл. ГьаIджершини доюле Россиейна КьаIгьраман НурмаIгьаммад ГьаIджимаIгьаммадовна ед’ Сапижат Мазаева йишонийхьа. МаIнкъее мусурманийлхъа гехьан фарзбышин са быкыраъас имкан гьувойхъа гора миннатдарийвалла агъмишавъу.