Октябрьни 7-чил МаIгьачкъалайни йыIкьнекни майдамыл’ Россиейни Президентын Владимир Путинын курсын тераф аххъаххъан «Садибыйвалее йишда гудж вобна» акцие илгъечIу. Манчее Дагъыстан Республикайни ХааIрынкъве Сергей Меликове иштыракау.Октябрьни 7-чил МаIгьачкъалайни йыIкьнекни майдамыл’ Россиейни Президентын Владимир Путинын курсын тераф аххъаххъан «Садибыйвалее йишда гудж вобна» акцие илгъечIу. Манчее Дагъыстан Республикайни ХааIрынкъве Сергей Меликове иштыракау.
Концерт-акциейн хьебцIал аазырыле агъаллан дагъыстанныбы савъу. Манбышди арее – гьуIкуматни ташкилатбышин къуллухчер, ааIли мактаббышин маъаIллимар ва телебабы, джегьиляршини ташкилатбышин эл’чер спортсменар, маданиятын ишчер ва мебынбы.
Сергей Меликове махъа сабыйнбышди гьийд чыхышау: «Къийнийн йигъ гьаIкIедад югун йигъ водун, няъас увгьее ши саджиге вобунбы, ши са хизане вобунбы, йишди гыргынкъве Россиейн ыккеккани курсын тераф аххъаххъа. КьоIдле йигъна гьихъа оIлкайни хааIрынкъве Россиейлхъа ёкьудле регион аликкый тасдыкьау. Мана таарыхна хъобкувалла вухьа. Къийна йишди еррыбыше лайикьыква Ватан къорамишааъа вобна, манбышди хьебынкъус Россиейни Федерациейни КьаIгьраманын ахтыйн добы гьуво».
Республикайни регьберни увгьойка, ши няаъаб вухьейиб, ши сджиге вобунбы. Ши ярахыквани операциее иштырак гьаъани гьаарни дагъыстанныйн тераф аххъаххъа водун. Манкъве СВО иштырак гьаъани эскераршини хизанбышис хыл’ авхъасдава агъмышау. Манчини аллана кьарар делесни вахтал’ хъигъевчIесда.
Гойне хьинне джуваб Россиейна КьаIгьраман Энвер Набиевыс гьуво: «Къийна ши гьаарни дагъыстанный, йишди оIлкайн, йишди Президентын мыIгькамын джуваб эйгьи! Къийна ши Ватанниме вурушмышоохьени игитершин тераф аххъаххъа ва манбышис йикIбы гьеле. МанбышикIлед ацIан, Россиейн джон игитер кIеливханааъанбы деш».
Хъийгъа СВО хъикIуна МаIгьач Кьадиевна ед’ Заира Кьадиева йишонийхьа. МаIнкъее увгьойн: «Йизди духайхъад 23 сенний. Манчихъа ил’дяакы, мана кьаIгьраманний. Мана кьаIгьраман садджу зас деш, джуни эскераршисыр ыхьа. Зы духайле гуянмишейхьенаний, гуянмишехьена ва гуянмишейхьесда. Мана гьаммаше гьийр ыхьа, хъаIркьын вурушбы алгьааIни джигеенче гьиху деш», — Кьадиевае увгьо.
Акциейни концертни программе дагъыстанни доюкани артистарше чыхышау.
Маджлисын екунбы ыккекканкъаI Дагъыстанни Правительствайни Садре АIбдулмуслим АIбдулмуслимове увгьойн: «Гыргыни дагъыстанныбыше Президентыни курсыс тераф аххъаххъа. Владимир Путине Дагъыстаныс хаIбна гьуIрмат гивийхьи. ШакIле ман югда ацIан. Гьиняаъад россиейн гьуIкумат къорамышаъани джегьилерше чыхышбы гьау. Къийна ши мед Дагъыстанна садибыйвалла, Россиейна садибыйвалла гьиджо эйгьен ыхьай гьагуйн», — ДР-ни премьер-министре агъмышау.
