Октябрьни 15-чил’ МаIгьачкъалее, достаршини Хааъад дагъыстанни миллетбышди языйни, адабиятни, маданиятни гьаIкеедын китаббы презентовать гьаъы. Манбы Дагъыстанни девлет университетни един мизяар хъаIдаххъани Марказын гьазираъы. Чапыке къайиккас ДР-ни миллетни сиясатни ва динбышди ишбышди Министерствайн кумагаъы. Гьайни элейс чапыке китаббы : «Телесный код культуры в дагестанской паремиологической картине мира» ( Авт. М.А.ГьаIсанова), «Очерки синтаксиса сложного предложения аварского языка» (Авт. Д.С. Самедов), «Агульские сказки» (Авт. С.Н.ГьаIсанова ), «Язык и поэтика Г. Омаровой в межкультурной коммуникации» (Авт. С.Х. ШихаIлийева).
Китабеехъа « Телесный код культуры в дагестанской паремиологической картине мира» цIаIхни миллетни месалабышин разделыд гидхьуйн. Китабеехъа « Язык и поэтика Г. Омаровой в межкультурной коммуникации» цIаIхбышди шааире АIбдураIгьим Дадашеве цIаIхни мизелхъа сакIалавъуна шечI «Телезенг» эвчIу. Манбы кIылин гьаIракатбы ыхьейид, анджах манчиква ши йишди миллетын адабият, миз’ миллетбышди майдамахъа хъигъещи. Китабеехъа « Телесный код культуры в дагестанской паремиологической картине мира» цIаIхни миллетни месалабышин разделыд гидхьуйн.
Китабеехъа « Язык и поэтика Г. Омаровой в межкультурной коммуникации» цIаIхбышди шааире АIбдураIгьим Дадашеве цIаIхни мизелхъа сакIалавъуна шечI «Телезенг» эвчIу. Манбы кIылин гьаIракатбы ыхьейид, анджах манчиква ши йишди миллетын адабият, миз’ миллетбышди майдамахъа хъигъещи. Китаббышди презентациейс къабсырни маджлисее иштырак министрарше, депутатарше, ааIлимарше, шааирарше, язычерше, журналистарше иштырак гьаъы.
Маджлис ДР-ни миллетни сиясатни ва динбышди ишбышди министре Энрик Муслимове ачухавъу. Манкъвее увгьойн : « Дагъыстанее 30 агъаллана йишонааъана миз’ вобна. Манчини аIрее яынан ва язы дешин мизар, лугъатбы, легьджебы водунбы. Манчини гьаарынчихъаб чина кьиймат, чина хусусы джига вобна. Гьар мизен са халкьын фыкырбы, маданият, батIраалла , адабият гьагва. АIхреени сенбышее ДДУ-ни един мизяар хъаIдаххъани Марказни гьаIракатыква ва йишди министерствайни кумагыква 16 дагъыстанни мизяршиква багълыданан китаббы къайиккы. Геледжагъылиб мани ишее ши хыл’ авхъасда…»
Гойне маджлисее марахыкван чыхыш ДДУ-ни ректоре МуртазаIлий Рабаданове гьаъу. Манкъвее дагъыстанын мизяар гьуваджесдимее , гьиджо ишбыйий университете къеджи увгьы. Манкъуни увгьойка, едини мизеке ва адабиятыке санаъаIт аляатIани телябабышис хьебыдле къатна хаIдын стипендие гьели водун ва медын шараитбы манбышис къурмишаъа.Манкъуле хъийгъа, едини мизяршиква багълыданан ва китаббышин авторар табрикааъан чыхыш ДР-ни парламентни депутате Алавудин Мирзабалаеве гьаъы.Манчиле хъийгъа, гьаарни авторее джуни китабни гьаIкIеедын маIълумат гьуво. Гьамани джаб маджлисее ДР-ни миллетни сиясатни ва динбышди ишбышди Министерствайн 20 августыле гидгъылни ва 2 октябрыл’ таамхьайни конкурсын екунбы ыккы.
Мани конкурсехъа 20 макьале къахувы. Жюрийн манбы диххъатука ёхламишауйле хъийгъа , гьайинбы сечмишау : 1 джига Зул’фия ГьаIджиевайни макьалейс «Моя малая родина» ( кIазет «ГьаIкьийкьат» гьувы, 2 джига ГьаIджий Мирзаевни макьалейс «Кайтагская вышивка» ( кIазет « Дагъыстанеена ыIмыр) ва Мадина АIгьмадовайни макьалейс « Родная речь в потоке рока» ( кIазет Дагъыстанын правда» гьувы, 3 джига Наида Гуриевайни макьалейн «Познавшая тайны» (кIазет «Замана», Нариман Ибрагьимовни макьалейн «Корень дружбы народов в единстве и доверии (кIазет «Лезги газет» ва Руслан Луговойни макьалейн «Успех в дипломатии» авхъы.1 джига авхъуйнкъус 60 аазыр, 2 джига авхъуйнкъус 40 аазыр, 3 джига авхъуйнкъус 20 азыр пылна мукафатыс гьувы.«Нур» кIазетни редакциейн китаббышин авторар ва конкурсе къамувхьайн журналистар табрикааъа ва медын угъурбы манбышис аIрзуламишаъа.
