Сабара йигъбына гьихъа Дагъыстанни къуллухчершина десте Къузайл’ни Дагъыстанни районбышее вухьа. Манбышди аIрее Республикайни ХааIрункъун сабара гьагьна ишбы гьаъана Сергей Меликов, министрар, депутатар, районбышин регьберар вухьа. Эгьес ыккан, маIгьбын чIакIын къуллухчера тезеба Бабаюртни районе ешемишоохьени цIаIхбышди ва рутылбышди хиварше цIебба вухьа. Мани сафарийни гьаIкIеедын аIтрафлы маIълумат Байрам АIбдуллаеве ва Юсуф Бабаеве «Нур» кIазетеейий соцсетьбышее гьели водун. Сабара йигъбына гьихъа Дагъыстанни къуллухчершина десте Къузайл’ни Дагъыстанни районбышее вухьа. Манбышди аIрее Республикайни ХааIрункъун сабара гьагьна ишбы гьаъана Сергей Меликов, министрар, депутатар, районбышин регьберар вухьа. Эгьес ыккан, маIгьбын чIакIын къуллухчера тезеба Бабаюртни районе ешемишоохьени цIаIхбышди ва рутылбышди хиварше цIебба вухьа. Мани сафарийни гьаIкIеедын аIтрафлы маIълумат Байрам АIбдуллаеве ва Юсуф Бабаеве «Нур» кIазетеейий соцсетьбышее гьели водун.
Йишда макьалейна маIъна сыкIылба бадална вухьес. Мана Калел’ни йыIкьнекни мактабыква багълыбанана вобна. ШакIле ацIан, Калелин мактаб Бабаюртни районе ыхьай. Мани мактабее сувале кочмишивхьайни ёкьни хивни (Калел’ни, Аттални, ДжинаIгъни, Коршни) ушахарше хъаIдаххъа водун. Къийнийни йигъыл’ ман йишин базовой мактаб водун. Мааъад энки югда цIаIхни мизен, адабиятын дарсбы илгъечIи. Ши мааъад олимпиадабы, конкурсбы, экспериментбы алгъайгьи. Гьел’бедти , мана иш гьаIракатеехъа ва къулайлхъа директоре Фергьад маъаIллиме, завуче Тагьир маъаIллиме ва ед’ни мезелин дарсбы гьелени Гуляра маъаIлимае абчы вобна. Къийна мактабыхъад чин дагъамийвал’быд водунбы. АIсас манбы мактабни бинааква (корпусыква) багълыдананбы водунбы. Сабара сенбына гьихъа манчис аIдатый ремонт гьауйн, анджах гыргын суалбы садибда гьаIллаъас аIхы деш. Мани дестейква саджигее Калел’ни мактабеехъа ДР-ни хъаIдхъийна ва ыIлимна министр Яхъя Бучаев ары. Мана джигайл’ мактабыхъад водни дагъамийвальбышиква танышхьа. Мактабни директоре Ф. АIлиеве манкъус водун дагъамийвал’бы ашкарау. Мактабни директорни увгьойква, джос дагъайбни сыныфбышисда тезе бинаа лазымба вобна, няъас увгьее йиссейна даркашба вобна, вуджиб гьыIгъабкыр аIлгьаа вобна. Абыйн мигьамнар дестейква йиссейни дагъайдни сыныфбышис дарсбы аIлгъаани корпусе вухьа, гоне ушахаршис одхьанан кар гьелени джигайхъа иляакы. МислягьаIтеехъа хъабыйнбы ман мисалабы дёлесийвале гьаIллаъас. Манчинимеега сабара документбы саъас лазымда водунбы. Мани горушее сабара медын суалбыд абыйни къуллухчершини оIгее сугъоцауйнбы.Мактабни завучни Т. Джанаевни увгьойква, абыйни мигьманарше югун умыдбы гьувойнбы. Шасыд инам гьаъас ыккан, ман къалхымишауйн суалбы кIазетел’ ооъад ахвас деш, гьаIллаъасынбы.
