Гьинчиле сабара вахтна гьихъа ши кlазете Бабаюртни цlаlхбы ешемишоохьени бинабышил’ тезеба аляаъани йаlххъыс къадсырийн материалный гьуво. Къийна мана йаlхъ алявъу быкыроохьи вобна. Гьаlшде тикинтийн ишбы ыккеккани ташкилатын асфальт кlяу таамехьи водун.

Аlхырейни сенбышее гьокуlматын йаlхъбышис хаlбна фыкыр гьооли вобна. Къийна мани сардан ыккеккан ишбы гыргынанкъаl растына хъадайленбы.  Аlхырейни сенбышее гьокуlматын йаlхъбышис хаlбна фыкыр гьооли вобна. Къийна мани сардан ыккеккан ишбы гыргынанкъаl растына хъадайленбы.  Тезе аляаъани йаlххъына хылийвалла 2800 метру водун.  Мани ишбышис гьокуlматын хазнейнче хьоцlал’ милйон манат пылна къавуккы. Йаlххъбы аляъани ташкилатын гьаlракат гьаъан гьагуйни вахталхъассе гибгъылна иш быкырааъас. Тезе Быршыле хъооlна поштна йаlхъ федерал йаlххъыка аливкас. Мана йаlхъ гьокуlматни гыргыни стандартбышис уйгъунба вобна. Манчин инсанаршиний, техникайн ийкырий нимеехьей сибык хъаъас.Йиссейна йаlхъ гьинчиле хаlдда сенбына гьихъа гьавъуна вухьа. Аlхырейни сенбышее мана темизба дагъылмишувхьаний. Цывлихъа гёгъуйбы гёогъуйнкъаl, манче машинбы дагъамийваликаний ийкаранбы. Бинабышил’ ешемишоохьени инсанарше  тезе  йаlхъ геебни гьавасыка гозетяаъа. Манбыше йаlхъ аляаъас кумаг гьувойнбышис, мааъаб ишлемишоохьенбышис  миннатдарийвалла агъмишааъа.  Манбышис хылийна ыlмыр аlрзааъа.