Мартна ваз республике малкъара гьувадженбышис йыlкьна вахт вобна. Манке малдараршина иш къат-къатна хаlб хъоохьи. Манбы гуджнаква дёлес гьаlзироохьи. Тасарруфатбышди вукlлелинбыше зияндена мана иш быкырааъас гьаlракатаъа. Рутул районын малкъара гьувадженбы манбышди сыранее вобунбы.
Аlхырейни сенбышее республикее малкъара гьувадженбышин сай агъалла хъыхьа. Маныд хусулсу дамазлыгъ гьувадженбышин гьаlракат водун. Къийнийни йигъыл’ манбы водни дагъамийвал’бышихъа ил’дяакы, гьуваджени малкъарайн сай хаlд хъаъас чалышмишоохьи. Маныд гьар сен юххьан алятlуйни дёлике аlсылыда. Аlхырейни сенбышее республикее малкъара гьувадженбышин сай агъалла хъыхьа. Маныд хусулсу дамазлыгъ гьувадженбышин гьаlракат водун. Къийнийни йигъыл’ манбы водни дагъамийвал’бышихъа ил’дяакы, гьуваджени малкъарайн сай хаlд хъаъас чалышмишоохьи. Маныд гьар сен юххьан алятlуйни дёлике аlсылыда. Къийнийни йигъыл’ районыхъад гьийдни сенбышейдын хьиннен кlолхозбы дешинбы. Манчина джига хусулсу малкъара гьуваадженбыше авхъу вобна. Манбыше гыргыда ишбы гьокуlматыке кумаг дена гьаъа. Юххьан ейлагъбышейхъа, цывлихъа къышлагъбышейхъа давараршин коч гьауй фермераршис геед гыранда гийъар. Манчиле гъайре, тасарруфатбыше кьыlдмыйсин кlорма, окl, дарманбы джо илещи. Маныд хаlдын хаарджий водун. Малкъара гьувааджени фермераршди увгьойка, гьайни сенийн дёл гьалекийс югда водун. Къийнийни йигъылхъассе суранчиле хаlдданан ваlкьаlбы гьийгlыр водунбы. Гойне хьинне гьайни сенийн кьыlдим дагъамда хъады деш. Гьаваабы къуlмада адкlын. Даварар гьар йигъыс оlришбышейхъа хъигъеечlи ыхьа. Манчис алава окlый кlорма лазымхьа деш. Гьаlшдед оlрийбышихъад уфтанын гог водун. Дёлес югба гьаlзирувхьайнбышди джаргее муслагъбышин КФХ «Огонь» тасарруфатыд водун. Манчини хааlрынкъуни Аlшуров Гьаlджавни увгьойка, гьайни сенийн дёл югда ыхьа. Джо манчис гьийгъанче гьихъа гьаlзирувхьа. Тезеда ыхьайни гейбышис къуlман джигабы хъау. Манчис чини вахтал’ профилактик ишбы ыккы. Гьаlшде фермее водун вакьаlбы гьийгlыр таамехьи водунбы. Къийна ши 80% дёлен алятlу водун. Гьувойни пайике нимеехьейб шадба вобунбы. Асланов Нурбеге «Гезель» донани КФХ хаlбвалла гьааъана хаlдда сенбы водунбы. Манкъун тасарруфат районе доюкан водун. Нурбегее сениле-сенилхъа дамазлыгъ хаlбхъааъас чалышмишехьи. Манар гьайни сенийни дёлике нимеехьей разийра ворна. Муслагъбышди менни хусулсу малкъара гьувалджени тасарруфатбышейиб мани вазият писба дешда. Манбышисыд сен угъатыкан хъады. Манбыб алятlуйни дёлике шадоохьи вобунбы.СПК «Свердлов» тасарруфатни хааlрункъуни Магьтимагьаlммад Ферзаlлиевни увгьойка, фермераше тезе ыхьайн гейбы гьуваджесдимее хаlбна заlгьмат гьааъа. Аlхырейни йигъбышее гёгъуйни йизбышике, мыкlааал’бышике манбы къорамишаъанбы. Тезеда гьийгlырын гейбы сагъда, саламатда гьуваджесдимее манчис гьеххааликва кlорма гьели. Сабара вахтале гьаваабы къуlма адкlвасынбы. Сабар сенбы водунбы малкъара гьувааджени къышлагъбышейни оlришбышейхъа цlит айидхьуйн. Манче тасарруфатбышис хаlдын зарар гьели. Гьайни сен манчин оlги явашаъасдимее оlрышбышейхъа дарманбы сыкlылда экlда ыlхаlс чалышмишувхьесынбыва М. Ферзаlлиеве агъмишау. Манчиле хъийгъа, къышлагъбышейнче давараршин коч гигъалас. Гьалекийс тасарруфатбыше гуджнада дёл алятlа водун. Мана иш мартни вузани аlхирее таамухьес.
