Аlхырейни сенбышее йихъбышди джаванаршин ватанылхъан мугьуlб хаlдхъыхьа. Манбыше гьаlракатыква Сувал’ни магьаlлыл’ни хиваршее хаlдда хайирыкван ишбы къеджи. Къийна джегьилерше дирибашийваликва хиваршис ахаlн кумаг гьелес чалышмишоохьи. Манбыше йиссей хъыхьайн гармабы, гимгабы, манзикбы ата-бабайн юрдбы абрелхъа хъаляъа. Джаванаршди гьаlракатыс гыргынбыше ахтына кьиймат гьооли.
Гьайни делесийвалее Аттални хивеенче хъигъебчlийни джаванар хайирысын ишбы гьаъас Сувал’ни дерайлхъа гьабкlын. Манбыше фыкрее аххъыйн ишбы быкыраъасдимее цlедда фонд къурмишау. Гойне хьинне фондейхъа садыйни пылыке ишбы гьаъасын тикинтийн материал алищу. Манчин манзикейхъана хьян хъалесдимее , манчини айванын даха бадалаъасдимее, хивын горхана ёкьсураке сеткейхъа адчесдимее хаlдын кумаг гьуво. Манчиле гъайре, джаванаршини фыкрее ахуйни пылыке медын ишбыд ыккый водун. Гьайни делесийвалее Аттални хивеенче хъигъебчlийни джаванар хайирысын ишбы гьаъас Сувал’ни дерайлхъа гьабкlын. Манбыше фыкрее аххъыйн ишбы быкыраъасдимее цlедда фонд къурмишау. Гойне хьинне фондейхъа садыйни пылыке ишбы гьаъасын тикинтийн материал алищу. Манчин манзикейхъана хьян хъалесдимее , манчини айванын даха бадалаъасдимее, хивын горхана ёкьсураке сеткейхъа адчесдимее хаlдын кумаг гьуво. Манчиле гъайре, джаванаршини фыкрее ахуйни пылыке медын ишбыд ыккый водун. Сувалхъа гьабкlынни джаванаршис хаlбвалла Асланов Надирее гьавъу. Манкъуни увгьойка, хивее маlгьдын ишбы ыккый фыкрее оlгийл’джад водний. Гьайни сен мант гивгъалас кьисматхьа. Фондейхъа сауйни пылыке ши лазымын тикинти материалбы алищес аlхыйнбы. Манбы джигалхъа гьихьарауй дагъамда ыъьеейид, манчини ыlгьтейнче хъабыйнбы. Шокlле ацlан, Атталхъа машнена йаlхъ дешда. Хъадыйн гыргын материал аlмалершинийий инсанаршини йыlкьаlл’ гьаххъы. Мани карее хивни джамаъаlтын хаlбна заlгьмат гьавъу. Устадар — Асланов Абдул-Вагьаб, Джанаев Фейзулла, Багаев Султlан, Джанаев Идрис, Джумаев Шамсуддин, Мусаев Гьаlджий, Джанаев Юсуф, Ыlсаев Магьаlммад, Джанаев Нурмагьаlммад ва сабара мебынбыше яваш девхьа ишилхъа гибгъыл. Манбышис иш къулайква гьааъасдимее кумаг хивни адамейрше Атаев Магьаlммадрасулее, Ыlмаров Мучтабее, Джанаев Шуlъээ, Джанаев Магьаlммаде, Джумаев Нурмагьаlммаде ва сабапра мебынбыше гьау. Фыкрее аххъыйн ишбы манбышди кумагыква экlда быкырауйнбы. Магьаlчкъалейнчейий Бабаюртгъанче ишлемишувхьес абыйн джаванарый ешлибы хивни джамаъаlтын тентенейква къаршиламишавъу. Манбышис югун гьыlрматбы гьау. Ишбы таамхьайле хъийгъа, Балаев Сайдумее давар гивкlу, манзикее садакьа гьуво. Надир Аслановее увгьойн: «Гьина йишди хивнимее гьаъаан цlеббыйн хайирыквана ишний. Геледжагъылид хивни джамаъаlтнимее хаlдда джурабаджура ишбы гьауй ниятее аххъы водунбы. Манбы хивеени ишигъени диракбышис лампышкабы хъауй, хивеехъана йаlхъ темизявъуй ва сабара медын ишбы водунбы. Джуни ихтилетни аlхырее манкъве ишлемишувхьес хъигъебчlыйнбышис миннатдарийвалла агъмишавъу.Къийннийни йигъыл’ машнена йаlхъ дешди хивее къырагъыле кумаг дена маlгьдын ишбы ыккый джаванаршина джомардийваллайий игитийвалла вобна. Манбыше къаджейн ишбы суваабыс ойкlананбы. Шинаж умуд гьаъъана, джаванаршини ишбыше хивее авхуйни джамаъаlтыс баракайий болвалла аблес.
