Гьайни уlл’джумее Цlаlхни администрациейни сабара хиваршее имааджийбы илгъечlу. Миххьегlни хивын хайбышейхъа илёгъан хьян хъооlн шлангбы бадалау. Хьойикбыше манзикни мыраалийс кlеджарбы кlяъас хъигъебчlы.
Цlаlхни дерайл’ни хиваршее хьинекена дагъамийвалла гьаммаше вухьана. Аlхырейни сенбышее манчика багълыда хиваршее хаlдда ишбы ыккейид, исанаршихъаб илёгъани хьинекена кеситийвалла авху вобна. Манчихъад джурабаджура сабаббы водунбы. Гьихъа гьар хивее са ваяхуд кьоlбле булахный вобна. Гыргынбыше илёгъасын хьян манчений гяйцlи. Къийна инсанаршихъад мани сардан сибыкыйвалла вобна. Хьян манбышди хайбышеехъа хъады водун. Парч алятlу хьинехъа оlххъана дешда. Цlаlхни дерайл’ни хиваршее хьинекена дагъамийвалла гьаммаше вухьана. Аlхырейни сенбышее манчика багълыда хиваршее хаlдда ишбы ыккейид, исанаршихъаб илёгъани хьинекена кеситийвалла авху вобна. Манчихъад джурабаджура сабаббы водунбы. Гьихъа гьар хивее са ваяхуд кьоlбле булахный вобна. Гыргынбыше илёгъасын хьян манчений гяйцlи. Къийна инсанаршихъад мани сардан сибыкыйвалла вобна. Хьян манбышди хайбышеехъа хъады водун. Парч алятlу хьинехъа оlххъана дешда. Хьянбышда система гыргыни хиваршее са усулыка ишлемишехьи. Цlедда шлангыква хьян хивни марказейхъа хъадайли. Ман кlыххьини трубейхъа садайли. Манчед гьаарункъус джурайда хайбышейхъа битlалехьи. Гьагуйнчиле хаlдда булахбы гиххьыйнкъаl, дурбейдын хьян инсанаршис чlавехьи деш. Гойне хьинне кьыlдмина булахбы гьаммаше ачухда гьассарас ыккан. Манбы утlумауйнкъаl, шлангбы хъийгъаранбы. Манчихъа гора гьар сен мыкlаал’бы гигъалассе, инсанарше хьинен ремонтбы ыккекка. Гьини элесыб Миххьегlни хивни адамейрше ман ишбы ыккы. Дюнйе мыкlа хъихьессе хьинена дурба абрелхъа абчы. Цlаlхни хивни администрациейни хааlрынкъуни Вагиф Аlлиевни увгьойка, хьинена дурба йиссейбаний. Гойне хьинне манчилхъа джаламишувхьайнбы аlхырейни сенбышее хаlбхъувхьа. Сабаранбыше хайбышиле гъайре медни джигабышейхъад манче хьян алятlа ыхьа. Манчихъа гора, ши мана дурба тезелемишааъасди мыслягьаlтейхъа хъабы. Администрациейн ишбы ыккейсдиме тезе дурба, кlранбы ва сабара медын лазымын ыlгьтаджбы алищы, сварщик аххъы. Гьаlшде хивни инсанаршихъаб гьалекийс хьинекена дагъамийвалла дешда. Гьамани йигъыл’ Хьойикни хивын инсанарыб имааджейхъа хъигъебчlы. Хьойикбыше хивни аlрайл’ хайирхагь иш гьавъу. Манбыше манзикыс мыраалий аляаъасдимее кlеджарбы гиххьы. Хивна манзик’ гьинчиле сабара сенбына гьихъа тезелемишавъу. Манчис тезе чардах ывхыl, гиджараlхий алятlан джига аляу, адын ишбы ыккы. Къийна манбы манзикыс мыраалий алявъуй мlыслягьатейхъа хъабы. Манчиле гъайре манбышди фыкрее хивни йиссейни зияратна чардахыб бадалавъуй водун. Хивни джаванаршика саджигее мани йигъыл’ ишлемишухьес ешлибыб хъигъебчlыйнбы. Мани йигъыл’ Магьаlчкъалейнче кумагыс абыйн джаванрыб вухьайнбы. Тикинтийс хаlбвалла Магьаlчкъалейнче гьаркlынни ишкар Айдын Бабаеве гьааъа. Тикинтийн ишбы ыккейсдимее гьеххаалика тикинтийн материалбы водунбы. Манкъус кумаг хивни джаванарше нубатыка гьаъа. Хивна имам Мустафа Бабаеве имааджейхъа абыйнбышис миннатдарийвалла агъмишавъу. Манкъве гьаъуйн заlгьматбы суваабыс ойкlананва увгьо.
