Октябрьни 12-чил ‘ (мусурманаршини кIалендарыква Раби ул’-Аввал’ вузани йицIукьаIнчил’) Пейгъанбар ЫIсайни дойил’ни динни марказее аляаъани Пейгъанбар МуIгьаммадни (с.аI.с) дойил’ни манзикее Республикайна хаIбна мавлид Ан-наби вухьа.

Мани маджлисее иштыракаъас Дагъыстанни гьар районбышеенче, хиваршеенче ааIлимар- динэгьлер  абы. Манбышди аIрее йишди миллетын чубарайий йичибыб вухьайнбы.Манбыше джони чыхышбышее  йишди Пейгъанбарни МуIгьаммадни (с.аI.с) ыIмрени, джуни темизни напсни, маIргьаматни, караматбышди гьаIкIеедын ваIъазбы хъаIдхъы, хабарбы гьаы.Мани хаIбни мавлидеехъа аазыр инсан ары. Манбышди гьийд ааIлимарше, гьааIфизарше Кьуръаненчен сурабы хъаIдхъы ва шечIбышди къайдайл’ йишди Пейгъанбарна дараджа къалхымишавъу.Мавлидее аIл’гьаани вахтал’ пайбы гьувагау, манчини аIрее Маккайл’ни, Мадинеени зияратбышилхъа вуIххъасын ва кIыл’на гьаIдж къил’мишааъас  вуIххъасын  путёвкIабы ыхьа. Мавлидее гьааIфизарше, телябабыше дагъыстанни мизяаршил’ нашидбы хъаIдхъы.Мавлид Ан-наби кьоIбле саъаIтна цIыцIавхьа.  Абыйни мигьманаршис  одхьанни каракан торбабы битIалау. Маджлис садибни джамаъаIтни кубаршиква, дилягбышиква, доъаIбышиква таамувхьа.