Юххьанбы хъадыйка, инсанарыб гьаlракатейхъа хъавайли. Манбыше хайбы абрелхъа хъаляъа, дирингбы, эзан торпахбы гьаlшике темизяъа. Ман йихъбышин аваалыйле хъооlн аlдат водун. Къийнад Сувал’ни магьалыл’ни хиваршее маlгьдын югун аlдатбы аху водун.

Гьайни йигъбышее Мишлешни хивее хаlбна имааджий вухьа. Джамаъаlтын, кьома администрациейни ишчершиква, хивни аlрайлин йаlхъбы, малкъара гьайкlанан джигъырбы абрелхъа адчы. Манчиле савагьийда, манбыше Мишлешни хивни марказейдын майдан, гимга гьаlшике темизяъу. Эзани чlиебышее юххьанийн ишбы ыккейсдимее гьаlзирийваллабы ыккы. Гьайни йигъбышее Мишлешни хивее хаlбна имааджий вухьа. Джамаъаlтын, кьома администрациейни ишчершиква, хивни аlрайлин йаlхъбы, малкъара гьайкlанан джигъырбы абрелхъа адчы. Манчиле савагьийда, манбыше Мишлешни хивни марказейдын майдан, гимга гьаlшике темизяъу. Эзани чlиебышее юххьанийн ишбы ыккейсдимее гьаlзирийваллабы ыккы. Хивни администрациейни  хааlрынкъуни Рамазан Къубалыевни увгьойка, гьаар сен хивни джамаъаlтын кьоlни-хьебни элеес маlгьдын имааджийбы алгъайгьи. Мани карее гыргынбыше иштырак гьаъан. Администрациейни регьберийвалика, мактабни коллективын, больнициейни ишчерше, хивни джамаъаlтын джоке ахаlн ишбы гьаъанбы. Хивни администрациейн джа­м­­­аъаlтыс имаджийс хъигъечlуйхъа гора, миннатдарийвалла агъамышавъу. Р. Къубалыеве, хивынбы тезе хъадыйни юххьанбышиква  табрик гьавъу. Къийнийни йигъыл’ Мишлешна хив Сувал’ни маlгьалыл хаlбна вобна. Манчис сикlы хивни аlрайл’ гьааъан ишбыд гьаммаше гьехаалика эхьи. Манбы сибык хъаийниме джамаъаlтын хабна заlгьмат гьааъа. Мани карее  манбы гьаммаше санаб воохьи.