Декабрьни 18-чил’ Гыл’мецIни йыIкьнекни мактабее СВО отпускеехъа хъарыйни Артур Рамазановыкван мактабни маъаIллимаршин , шигыртаршин ишчершин горуш илгъечIу.

Мани джегьиликвана маджлис завуч-организаторе АIбдулкерим Мирзоеве вукку. Арына мигьман саламыква къаршламишауйле хъийгъа, А. Мирзоеве сабыйн инсанар Артур Рамазанове СВО гьагуйни игит’ гьунарбышиква ва гьаIракатбышиква танышавъу. Манкъвее джуни чыхышее увгьойн мысыйкейий Артурее СВО иштыракъа гиргъыл’. Гойне манкъве чыхыш гьаъас ва джуни эскерни къуллухни гьаIкIее хабарааъас А. Рамазановыс теклиф гиххьы.
Артуре сабыйнбышис джуни къуллухни , джуни гьамбазаршини, манбышди игит’ гьунарбышди гьаIкIее ушахаршис хабарбы гьаъы. Манчиле гъайре, манкъвее СВО нишихъа горайий гидгъылва увгьы, манчин сабаббы ашкараъы. Манкъуни увгьойка, джаани ерры инсанарше россиейни эскерараршиква югун алакьабы гьуваджи водунбы. Сана-санкъус кумагбы гьели. Артурни увгьойка, вазият дагъамба вухьейиб, умудааъна гьайни дёлесийвале, мункум. вобна вурушбы даянмишхьес ва йишинбы гъамувхьес, няъас увгьее ши хъобкуни йаIххъыл’ вобунбы. Ши Украина укранацистаршике темизяъа водун. Мааъад ешемишехьен миллет йишин чодж миллет’ водун.
Гойне Артуре маъаIллимаршини, ушахаршини суалбышис аIтрафлы джаваббы хъуво.
Маджлис вуккекканкъве джуваб мактабни хааIрни пионер вожатыйс АIсадуллагь Рамазановыс гьувы. Манкъвее джуни чыхышее увгьойн : « Ши макттабни ушахаршини дойиле Артут Рамазановыс миннатдарийвалла агъмишааъа. Манкъус, манкъуква садиббы гыргыни СВО иштыракаъани йишди милллетни джегьилершис джанана сагъвалла аIрзуламишааъа. Ши инам гьаъан, ХаIбни Ватанни даIвъийе гъамувхьайни 80 сенийн байрам алгъагьассе, шенке гидябтIуйн нацистар гьаIлакавъу ва манбышиле гъамувхьа гыргыба сагъба-саламатба джони хизанбышеехъа хъавалесынбы…»
Горушни аIхрее едигарыс саджигее шикыл’бы цIыцIаъы.