Дагъыстанни хаIрынкъуни Сергей Меликовни тапширмишаийка СВО-йни зонэйхъа эскераршис гуманитар юкна хаIбна партие къахову.
Юкни таркибе квадроциклбы, квадрокоптербы, радиостанциебы, къадын аккумуляторбы, бензиныка ишлемишехьен генераторбы ва медын лазымын ыIгьтаджбы ыхьа.
Эскераршини санкъуни увгьойка, ман йишдиме хаIдын кумаг водун. Ши ман шасахъа караматчий арыйнчис гьыIсабаъа. Манкъве увгьойн: шу шолхъа тапширмишаийн мисалабы гьаллаийниме ши гьар суракен кумаг гьелесын.
ОIгийл’ Сергей Меликове къейд гьаийнки, эскераршис гуманитарын кумаг къаховуй къуIман джигабы гьадсыр оIлка къорамишаъас гьабкIынийнбышди балее авхуй эйгьен водун. СВО гидгъылыйнчиле хъийгъа Дагъыстанын СВО 25 аазырыле гьеххан гуманитарын юк къахову.
Регионни башчийни джуваббышихъа гора, дагъыстанныбыше фронтыл’ игитийвалла ва джомардийвалла гьаагва вобна. Манбышди кьаIгьраманийвал’бышди гьаIкIее зас командирарше хабарааъана. Манчиле гъайре манбышда игитийвалла оIлкайни чIакIынбышеб агъмишааъана. Эскераршис раIгьатда дехьай шакIле ацIан. Анджах ыIгьтибарнани далыйн манбышис йикIбы гьели, кьувват гьооли, — Сергей Меликове увгьо.