Йишин цIаIхбы няаъаб вухьейиб гьаммаше гьаIракатыква ва баджарагъыква гьагва, манбыше къеджени ишбышис ахтына кьиймат гьооле. 

Гьайни йыгъбышее Астраханни шагьарни хаIрынкъвее маани «Дагъыстан» донани маданият марказни чIакIынбышилхъа июльни вузани аIхрее Ляхова 2 кучее кьидотIкулни мертабанани хааъаб ешемишохьени инсанаршис джон карбы машинбышиква медни джигеехъа гьаххъас кумаг гьеъева хагьиш гьаъу. ЦIебба мани хагьишыс Астарханни шагьаре ешемишоохьен йишин цIаIхбы оIгийлхъа хъигъебчIу ва манбыше дагъылмышхьайни хавни инсанаршис лазымыни кумаг гьаъу.
Мани акцией АРОО «Дагестан» садре Юсуп МагьаIммадове, мани ташкилатни цIаIхбышди шоIъбайна садре Кьасым Мамедове, «Шукур» донани компаниейни ишчеерше иштыракаъу. Мани къавджейни ишыхъа гора, садджу мани дагъылмышхьайни хаа гудмишохьени инсанарше джад деш, шагьарни администрациейни чIакIынбышед сагьулва, увгьо.
Кьасум Мамедовни увгьойква, джо вахтале-вахталхъа маIгьудни ишбышее иштыракбы гьаъанбы. Сабара вахтна гьихъа ши Астраханни шагьаре имаджий къурмишавъу ва джаъад хаIббанани цIаIбыше иштиракаъу. Манчихъа гора ши манбышикIле сагъулва эйгь ва гьаммаше къеджен ишбы саджигее гьаъасва умуд гьооли.