Сентябрьни 22-чил’ МагьачIкъалайни шагьаре «Европа» донани банкетни залэ ЦIаIхни мадрасайн 950-ъэсди сенийни юбилейис къабсырна мавлид илгъевчIу.
Мани маджлисеехъа хаIбба инсанар абы вухьа. Манбышди аIрее Дагъыстанна муфтий шейх АIгьмад-Эфендий, джуна мислягьаIтчий АIйна Гьамзатова, Дагъыстанни хаIрынкъуна мислягьаIтчий Энрик Муслимов, Свердловскни муфтиятна нумаенде АIбдулкъуддус Ашарин, Новосибирскни шагьарна муфтий,имам-хатыб АIбдулгьаIамид-гьаIзрат Шакирзянов,
Дагъыстанни муфтиятна Джануб Дагъыстанена нумаенде МагьаIммад-Рамазан Раджабов ва сабара республикайн исламни динын ааIлимар ва имамар.
Манбышиле гъайре аазырылхъа авабкьырийни МагьачIкъаленче, Къызларгъанче, Дербентыле, Сувал’ни магьаIлыле, Бабаюртни бинабышле абыйни йихъбыше маджлис уфтанхъавъу. Мавлид МагьаIммад МагьаIмадове вукку. Маджлис МагьачIкъалайни марказни манзикни муадзине, Кьуръанна гьаIфиз МагьаIммад-АIрифе хъаIбхъыIйни дуIъайква ва АIбдулла-гьаIджийе азербайджанни мизел’ нашид хъаIдхъыйква гибгъыл.
Гойне джуваб Дагъыстанни муфтийни мислягьаIтчийс АIйна Гьамзатовайс гьуво ва маIнкъе мавлидехъа абыйн гыргын инсанар ЦIаIхни мадрасайни юбилейиква табрикавъу. МанкъыIни увгьойква, мана мадраса садджу цIаIхбышис деш, гыргыни дюнйейл’ ешемишоохьени мусурманаршис аидба вобна ва манче хаIбба аIлимар хъигъебчIу, манбыше Кавказыл’, Россиейл’ ислам дин еймишаъа гибгъыл.
МаIгьдын мадрасабы садджу Мекке, Медине ва Дамаск мани вахтал’ ыхьа. ЦIаIхеена мадраса йыIкьнекни асырбышедын университет ыхьа. Мааъад исламни диныква багълыданани ыIлимбышиква барабарда, математика, астрономия, философия, медициМани мадрасае медни оIлкабышил’ исламын дин еймишааъасын динегьлера ва ишлемишебхьесын санаъаIткарар гьазиравъу»,-маIнкъе увгьо.
Дагъыстанни хаIрынкъуни мислягьаIтче Энрик Муслимове маджлисейхъа абыйнбы республикайни чIакIынбышди доюле табрикавъу ва увгьойн: «Гьайна ваз МагьаIммад пейгъамбар (аI.с.в.) едике ыхьана вобна ва къийна гьайняхуIбна мавлид алгъавгьуй хаIдын суваб водон. Манчин миллет саджигейхъа саъа. Шадра ворна цIаIхбы къийна саджигейхъа сабы мадрасайн юбилей къейдаъава».
Республикайни муфтиятна Джануб Дагъыстанена нумаенде МагьаIммад-Рамазан Раджабове мавлидейхъа абыйнбышикIле сагъулва увгьо: «ЦIаIхни дерайл’ чIакIын ааIлимар, диныс ыIбадат гьаъан шейхар, эвлиябы хаIбба вухьа. Манбышда баракат гыргынанкъаI еймишивхьа. Мааъаб ешемишивхьайни ааIлимарше дарс, вирд хаIббанани телябабышис гьуво. Хъийгъа манбышике чIакIын шейхар хъувхьа….».
Мавлидейхъа абыйни мигьманарше Свердловскни муфтиятна нумаенде АIбдулкъуддус Ашарине, Новосибирскни шагьарна муфтий, имам-хатыб АIбдулгьаIмид-гьаIзрат Шакирзянове цIаIхбы ва гыргын дагъыстанлыбы юбилейиква табрикавъу. Манбышди увгьойква, джо гееб шадба вобунбы мадраса Низамияйс къабсырни мавлиде иштыракаъас.
Гойне АIбдулкъуддус Ашарине Дагъыстанни муфтийни каатибыс , «Ас- Салам» кIазетни хааIрни редакторыс ГьаIсан-Эфендий Магьмудовыс медал гьуво ва манкъус джока саджигее къооджени ишыс ахтына кьиймат гьуво.
«Нур» кIазетни хааIрни редакторе Байрам АIбдуллаеве джуни чыхыше увгьойн: «АIзизын цIаIхын миллет! Зы шадра ворна къийна МагьачIкъалайни шагьаре иняхуIбна маджлис алгъавъуйс. Йишин миллет кIылда ыхьейид, шахъад аваалыйн таарых водон ва эгьес эйхьи ши Кавказыл’ цIедда ислам кьабыляъуйн миллет водон. Къийнийна маджлис гееб уфтанна ва миллет саджигейхъа сааъана вобна.
Зы аIкьананче абыйн мигьманар ва Дагъыстанна муфтий шейх АIгьмад-Эфендий ЦIаIхийни хивеехъа мигьманийвалис хъоотIал».
Мавлид аIлгьаалетти нашидбы хъаIдаххъаI ыхьа, Умреехъан (кIынна гьаIдж) путевкабы ва сабара медын пайбы гьувагы. Манчина са Гул’десде Мусайна йиш АIбдулгьаIшимовайс гьувагы. МанкъыIна кок Мишлешни хивеенче вобна, амма ешемиш Дагестанские Огниийни шагьаре еехьи. КьоIбъэсда путевка Саида Сабирна йиш Маллеевайс гьувагы. Мана МагьачIкъалайни шагьаре дохтурна ишлемишеехьи ворна. Манчиле савагьийда сабара медын пайбыд гьувагыйнбы. Манчини аIрее ишкар Бабаев Айдыне пайис гьувойн истол ва истулбы ыхьа. Эгьес эйхьи, пайбышин гыргынбы йишди баджершис ва йичибышис гьувагы.
Маджлисыс шавайе кумаг гьуво ва Сувал’ни магьаIле манзикбышис ремонтбы ва Аллагьни йаIххъейхъа медын ишбы къаджейни инсанаршис грамотабы ва гыранын пайбы гьуво. Манбы ишкарар Айдын Бабаев, НезирмагьаIммад АIгьмадов, Шихмирза РагьыIмов, Джамбулат Мамедов, Мамед Мамедов, Адил’ Давудов, ШаIъбан Мамедов, АIзиз Cафаров, АIбдулнасир АIгьмадов, Гьарыб АIлиев, Ил’гьам Османов ва Дестегюл’ Рамазанова вухьа. Манбышди санкъус Джамбулат Мамедовыс Дагъыстанни муфтийе шейх АIгьмад-Эфендийе джуни дойилин саъаIт пайис гьуво.
Сувал’ни магьаIлни имаме Эл’дар-гьаIджий Cулейманове мед мавлидейхъа абыйнбышикIле , вудж алгъаагьас кумаг гьувойнбышикIле сагъулва увгьо.
ЦIаIхни мадрасайс къабсырна мавлид шейх АIгьмад-Эфендийни хайир-дуIъайква ва уфтанни одхьунийква таамувхьа.
на, адабият, география ва медын ыIлимбы аIлгъаа ыхьа.
