Ноябрьни аIхрее Дагъыстанни башчийе Сергей Меликове аIдатеехъа гибхьуйна республикайни халкьыкана ачухна гаф вуккейс.

Мани тадбырни гьазирийваллайс иджлас къадсыр. Манчина иш ДР-ни ХаIрынкъуни ва ГьоIкуматни Администрациейни регьберни маIъвыне – регионни маIълуматни сиясатни ва пресс-къуллухни Управлениейни хаIрынкъве Рашид Акавове вукку.
Иджласе гьуIкумни ташкилатбышди эл’черше ва республикайни журналистарше иштыракау. Мааъаб алгъагьасди «Прямой линиейни» ваджибни карбышди гьаIкIее юшенувхьа.
Иштыракчерше нени форматыле ва няайе горуш алгъагьас ихтелет гьау. Джурайда республикайни телеканалбышее ачухна гаф гьаагуйнчини гьаIкIеедын суал къалхмишау.
АIсас Дагъыстанни халкьыкени суалбы саъани усулбышис ва теклифбышис фыкыр гьуво.
Манчиле гъайре иджласе нягьдей мураджиятбышин кьабыляъий тешкиляъас, махъа онлайн режимыд гехьа водун, ва манчин анализ ыккейс мыIслягьатбы гьау.