Къийна, январьни 21-чил Рутулни йыIкьнекни манзике кIыл’ни гьаIджилхъа вуIххъасын 15 путёвкIа гьуваагавъу.
Манчисын харджийбы джулхъа Рутул районее едике ыхьайни ишкаре Назим Бабаеве алеетIу. Манкъве манбы садджу районее прописка водни инсанаршини аIрее гьувагаъы. Аллагье джуни джибыс баракат гьевлена ва кьоIдкъатна хаIбхъувхьена.
ПутёвкIа кьисматувхьайнбышди аIрее йишда чодж, ЦIаIхни хивни фондына хааIрна, джамаъаIтчий ва ватанпарас АIзизов Фаик Казбекна дих ворна. ГьаIкIебаб, мана манкъус гьалалба вобна. АллагьыкIле манкъун темизин гьаIракатбы къеджи водунбы, манчихъа гора манкъус гьаIджилхъана йаIхъ ачухавъу.
Манкъуле гъайре, путёвкIабы Сулейманова Гул’мира МаIгьаммадсаламни йищес, АIлиева Амина Рафикни йищес гьуваагы. Манчини гьаIкIеедын аIтрафлы маъаIлумат хъооIни кIазетни нумрее гьелес.