Гьайни йигъбышее «Нур» кIазетни редакциейна мигьман Рутул районни №1 нумранани мактабна директор, педагожи ыIлимбышда кандидат, ДР-на «Лайикьыквана маъаIллим», РФ хъаIдхъыйна шарафна ишчий Ямудин Таибов ыхьа. Мана кIазетни хааIрни редакторыквайий редакциейни ишчершиква горушмишхьа.

ИлгъечIуйни горушее Я. Таибове тезеда чапейхъа гьаIзираъани Дагъыстанни халкьбышин машкьул адабиятни ва мизяаршини китаббышди проектни гьаIкIее йишонхьа. Манкъуни увгьойка, къийнийни йигъылхъассе мани проектыква рутулбышди, цIаIхбышди, лакбышди, кумыкаршини, аварбышдини, лезгибышди ва чеченаршини мизяаршил’ китаббы чапейнче къайиккы водунбы. Россиейни мллетбышди садибыйвалла гьувааджени сен , ахуйни миллетбышди мизяаршилид китаббы къаийккасынбы.
Китаббы къайиккасдимее авторе джун пыл харджаъа. Маныд уджузда гийъар деш. Манчихъа гора, китаббышин тираж 50-100 экземпляр водун.
Я.Таибовни увгьойка, Дагъыстанни мизяаршил’ къайиккыйни китаббыше , мактаббышее дарсыбы ыккеккани маъаIллимаршис хаIдын кумаг гьелес. Ман едини мизен дарсыбы ыккекканбышис , методик къулайбы гьуваджесын китаб ихьес.
Чапыс гьаIзирауйни китабейхъа кроссвордбы, деккяршин увгьойбы, фыкырашмишувхьайбы иккечIес. Манчиныб миз хаIбхъувхьесда сибикыйвалла гьевлес.
Манчиле савагьийда, редакциейни мигьманее редакторыс вудже назарее аххъыйни ишбышике ихтелетяъы.