Халкьыни аIрайл’ эйгьиводки: «Вахт абкIынле хъийгъа, архайн акьва бадалхьайле хъийгъа, ярабышин ыкIар кIелийханан». Йишди увгьойка, мани джуваббышихъад гьаммаше деш кьуват воохьи.
ХаIбна Ватанна даIвъий таамувхьайн 74 сен быкырхьа, анджах манчин гьувойни ярабышин уцIур асырбына цIыцIахьесын. ДаIвъийн баляа , кIаарна хабар итдябыйн, зиян гьидёвойн хав гьассыр деш. Мани даIвъийн милйонбышиква инсанар гьаIлакавъу. Хиваар , шагьарбы веранау. Манчин миллионбышиква инвалидар, сипIыреер, етимар дюнйейни акьвалхъа яратмишавъу. ДаIвъийн мысвалла, мыкIаалла турамишавъу. Манчихъа ил’дяаку, йишин миллет’ даIвъийенче фашистаршиле гъамхьа хъигъечIу, няъас увгьее ши хъобкуба вухьа. Ши гьиджум деш гьавъу, ши къорамишивхьайнбы. Писди фыкрека абыйни хочейна вукIул’ эзмишаъанки.ХаIбна Ватанна даIвъий таамувхьайн 74 сен быкырхьа, анджах манчин гьувойни ярабышин уцIур асырбына цIыцIахьесын. ДаIвъийн баляа , кIаарна хабар итдябыйн, зиян гьидёвойн хав гьассыр деш. Мани даIвъийн милйонбышиква инсанар гьаIлакавъу. Хиваар , шагьарбы веранау. Манчин миллионбышиква инвалидар, сипIыреер, етимар дюнйейни акьвалхъа яратмишавъу. ДаIвъийн мысвалла, мыкIаалла турамишавъу. Манчихъа ил’дяаку, йишин миллет’ даIвъийенче фашистаршиле гъамхьа хъигъечIу, няъас увгьее ши хъобкуба вухьа. Ши гьиджум деш гьавъу, ши къорамишивхьайнбы. Писди фыкрека абыйни хочейна вукIул’ эзмишаъанки.Йишди миллетиныд мани даIвъийе хаIдын иштырак гьау. Хылехъа тифанг алебтIас вааIхана адамершина Ватан фашистаршике къорамишааъас фронтехъа аркIын. Авхуйнбыб хаIм-йигъ гьидяу тылыл’ ишлемишивхьа. ДаIвъийехъа чуру, ниссе, хьыняал’, трусбы, хьахьалийбы, ухаран папахбы (кьаччийбы) оIтирау. Фронтехъа абкIынийнбышин хаIббананбы сабкIыл деш. Манбыше джон джанбы Ватаныс багъышау, йишда ыIмыр шадна, аазадна вухьесдимей. Манчихъа гора манбышда игитийвалла кIеливханааъас вуккан деш. Вахтале-вахталхъа раIгьмат къахивлес вуккан, манбы кIел’хъаляаъас вуккан, манбышди гьаIкIее окIанас ыккан.Рутул районни джамаъаIтын, медни миллетбыше хьинне, манке ыхьайн гьааIдисабы кIелиханаъа деш. Гьар сен районни хиваршее 8-9 майил’ гъамувхьайни байрамыс къассырыйн йигъынджагъбы илгъечIи. ЦIедда хиваршее алгъайгьи, хъийгъа районни марказее. Гъамувхьайни йигъыс къассырыйн «Бессмертный полк» Мишлешни хивее мактабыссе гидгъыл, хивни майдамахъа хъады. Манчее хивни администрациейни къуллухчерше, мактабни маъаIллимарше, ушахарше, больницайни дохтурарше, клубни, китабханайни, ветучастокни, почтайни ишчерше иштырак гьау. Манбышди хыле даIвъийе джони гьабтIуйни баба-дидершин шикыл’бы къалхымишау ыхьа. Мани «Бессмертный полке». Мишлешни заставайн пограничникершед иштыракау. Кьома накьра – зурнайква, ман ХаIбни Ватанни ветеранаршис гивхьуйни гьаIйкалысахъа хъабы тIетIбы гиххьы. Манчиле хъийгъа Гъамувхьайни Йигъыс кьабсырна маджлис гибгъыл . Мана хивни маданиятни марказни хааIрункъве Мустафа Рамазанове вукку. Мани маджлисее чыхышбы Мишлешни администрациейни хааIрункъее Рамазан Къубалыеве, мактабни директоре Ислам Ибрагьимове, хивни имаме Сабир гьаIджее, ушахбахчейни хааIрынкъее Ширингул’ Рамазановае ва мебынбыше гьау. Манбыше джони хивын ветеранар , даIвъийн гьувойн зиянбы, йишди эскеррашина игитийвалла йикIел’хъа хъавалявъу. Мактабни ушахарше даIвъийс къассырыйн шечIбы хъаIдхъы. ГьаIмаIгьдын джад йигъынджагъбы ЦIаIхни , ДжинаIгъни , Муслагъни , Гыл’мецIни, Миххьейни хиваршее илгъеIчу. Мани хиваршини джамаъаIтын джони ветеранаршилхъа раIгьмат къахову. Хиваршеедын гьаIйкалбы абрелхъа хъаляу. Тылыл’ иштырак гьауйни , Афганистан, Чечняйл’ вухьайни даIвъийе иштыракауйни ветеранаршиква, Сувал’ни маъаIлыл’ эскерийвалла алгъаа1ни пограничникаршикван горушбы илгъечIу. Майни 9 чил’ хиваршеенчен инсанар, кьома къуллухчершиква «Бессмертный полк» алгъагьас Рутулхъа гьабкIын. Гъамувхьайни йигъыс къассырыйн «Бессмертный полк» цIедда илгъечIу, гойне районни маданиятни ташкилатни гьийд митинг илгъечIу. Мааъад Рутул районни хааIрункъее Ибрагьим Ибрагьимове, ДР-ни парламентыни депутатарше — Фикрет Раджабове, Давуд Сулейманове ветеранар, джамаъаIт гъамувхьайни йигъыква табрикааъан чыхышбы гьау. Хъийгъа районни маданиятни управлениейни ишчерше концерт гьагу. Ман йигъынджагъбы таамхьайле хъийгъа, абыйни ветеранаршис, мигьманаршис байрамын суфра ачмышау.
