Баляа гозет’ гьидяаъани джигенче абайли. Манчике ненаджар къорамышхьа дешорна, амма аIгьтият гьааъас вуккан. Месала вобна: «АIгьтият гьааъана, Аллагье къорамишаъа». Мани сардан гьайин сенид югын йишди халкьни меега ыхьа деш. Гьайни сен фаляакат цIайин абы. ЦIайин, ялавни мизен йишин чубара, йичибы хав-уджагъдена гьабсыр. Манчин хайбы веранау.
ОIгийл’ закIле маIгьад Сувал’ни маIгьалыл’ хиваршее хайбы гёдхьунва къайиххьыйн деш. Ман гIалис эгьес вахарийда водун, анджах ыIмырволли инсанарше заIгьматыква аляуйн хайбы, алищуйн къаб-къашукь, ёргъан-душаг, палас-палтар, мебель са кIыл’ни манзил’ни аIрее йыIхъылхъа садкIыл. Рамандини вуза йишди са йихъийн хав МаIгьачкъале цIайике гёдхьун. Къийнар мана даха дена аху ворна. Гьувойни хурни кумагбышиква, мана няхъаджар хъихьес аIха деш. Хав страховать гьидяуйхъа гора, гьоIкуматыныд кумаг гьели деш.ОIгийл’ закIле маIгьад Сувал’ни маIгьалыл’ хиваршее хайбы гёдхьунва къайиххьыйн деш. Ман гIалис эгьес вахарийда водун, анджах ыIмырволли инсанарше заIгьматыква аляуйн хайбы, алищуйн къаб-къашукь, ёргъан-душаг, палас-палтар, мебель са кIыл’ни манзил’ни аIрее йыIхъылхъа садкIыл. Рамандини вуза йишди са йихъийн хав МаIгьачкъале цIайике гёдхьун. Къийнар мана даха дена аху ворна. Гьувойни хурни кумагбышиква, мана няхъаджар хъихьес аIха деш. Хав страховать гьидяуйхъа гора, гьоIкуматыныд кумаг гьели деш.Гьайни дёлесийвале меб маIгьабна цIайиква багълыбанана баляа Мишлешни хивее вухьа. Мааъад кьоIдле хав быкырда, сайид суралхъамее гёдхьун. Шалхъа гьивхьаравъуйни хабарыква, санбышди увгьойка манчина сабаб газна баллон вухьа, шенсанбышди увгьойка – йирдылым хъидхьыр. Анджах манчини ненчикеджад хайбышди ессибышис хайир ыхьа деш.Мишлешни хивни администрациейни хааIрункъуни увгьойка, ГьаIсанов Исрафилын ва ГьаIсанов Ризбуллагьын хав быкырда джаани хаани акьвайква гёдхьун, АIгьмадов Наврузни хавысыд хаIдын зиян ыхьа. ЦIайике алышмишхьа гёдхьанан хайбы кIядхъаIъас хивын джамаъаIт сугъоцу. Сабара манзилиле «Согют» пожарный частин ишчера авабкьыр. Манбыше медни хайбышилхъа ялав илгъимоочIеджинва, цIайин оIги ыхы. МаIгьаб хаIбни баляаке хив къадтивхьанавъу. Шукур Аллагьылхъа, мани цIайике инсанаршини джанас хаIдын зиян хъетIу деш. Мишлешни больницайни дохтурарше цIайике хатаа ыхьайнбыши цIеддыйн кумаг гьуво.Эйгьи вод ки: «Баляан инсанар саджигеехъа сааъа». Къийна ши гьаарункъве джуке аIхан кумаг гьалални ниятыква гьувее, инам гьаъан Аллагьее баракат мани йишди чубабышис къихевлесда. Садджу «акьвал’ уфтаныйваллабы гьауй» шавусджад лазымда дешодун. Зы мерынкъуни джибеехъа гьойзар деш, анджах йишди ишкарарше закат джон мани хизанбышис хъувее, районни администрациейн, республикайн пыл гёбхьунийнбышис гьувее, манбышике хайбы кьыIдим хъихьессе, аляъас аIхасынбы. Шукур Аллагьылхъа, шахъаб маIгьбын игитер кIылба дешобунбы. ЦIаIхни хивни джегьилерше джони фонденче 10 аазыр манат пылна гьаарни зиян ыхьайни хизаныс гьуво, 45 аазыр Муслагъни хивни джамаъаIтын гьевлес гьазиравъу вобна. Гьелени садакьайхъад хаIдын-кIылин эйхьен деш. ЙикIеенче гьувойни са манатыхъаб милйоныле гьеххана баракат вобна. Инам гьаъан мана эстафета медни йишди хиваршини джамаъаIтбышеб алебтIасда. ГьаIрамни йаIххъылхъа гьеллессе, суваабни йаIххъылхъа гьувее югда ихьес.Анджах мер зы макьаалейни кьомахъа сакIалас ыккан. Йишин хивар ганзаршил’ аляу водонбы. Хайбы чичил’ ооъад гёку водунбы. Машин эчIесын джига дешин. Манчихъа гора, маIгьдын фалякатбы ыхьайнкъаI, даIргьаIлдан кумаг гьелес аIха деш. Мана хаIбна, гьаIллааъас лазымна дагъамийвалла вобна. Аллагье гьидягван, Гыл’мецIа, Лека маIгьдын кар ыхьее, мысане махъа паджарный машин гьихьарас.Гьар хивее аIгьтиятни меега йиваке гьауйн чIакIын хьинен гьаIвуз’бы, латбы, кьойбы ыхьее сыкIылбахьейиб мана дагъамийвалла сибыкааъасда. Манчихъъа хъаъас ыккананбы кIранбы ва чихъад гицIанас шлангбы. Йиджбыд хивни кьома гиххьес. Бирданхьессе лазымхьее, манбы къайиккас цIа хъидхьуйни джигеехъа.Йишди увгьойка, хиваршини администрациебышди чIакIынбыше ман суал МЧС-ни ишчершиква саджигее гьаIллаъас ыккан.Зиян хъетIуйни хизанбышис Аллагье сабыр гьелен ва ман аIхреедын йишди хиваршее эйхьен зиян ихьен! Аамин!
