Сентябрьни 6- 8 йигъбышил’ МаскIавын ДжамаъаIтбышди аIреедын китаббышин гьагуй илгъечIу. Мани китаббышди гьагуе (выставке) менни миллетбышди шааираршини, язычершини аIрее тезеба классик адабиятеехъа йаIхъ ачмишааъани цIаIхбышди шааираршин, язычершин асарбынан китаббы ыхьа.
Китаббышин гьагуй алгъааIни цIеддыйни йигъыл’ ВДНХ-ни иджласбы ылгъечIени утагъее конференцие «Продвижение национальных литератур в России и мире» илгъечIу. Мани конференцие иштырак гьаъас Дагъыстанни язычершини Союзын шаирар ва прозаикар хъобтIул. Манбышди аIрее цIаIхбышди адабичтыни секциейн уIзвубы вухьа. Сабара сабаббышихъа гора, МакIавхъа конференцие иштырак гьаъас вуIххъас вухьа деш. Анджах йишди хааишыква, мани маджлисна иштыракчий ва эл’чий ЦНКА-на садры Рафаэл’ АIлиев Ыхьа .
Мани коференциейни гьаIкIее Р. АIлиеве шас гьайнаIгьдын маIълумат гьуво: «Чоджер цIаIхбы(йихъбы), вушин хааиш зы быкырауйн. Мани конференцие зы иштырак гьауйн. Ман адабиятни ыIлимыс къассырыйн конференциейий водун. Сабара терминбы зас къаммыш дехьейид, мааъад Россиейни миллетбышди адабиятыква багълыданан ваджидын суалбы къалхымишау.
Конференцие ыккекканбышди увгьойка, аIхреени сенбыше Россиейни миллетбышди адабиятылхъа гьоIкуматын хаIбна фагьам гьооли вобна. КьоIни сенни аIрее ши хьебыдле том Россиейни миллетбышди языбышиле урусниадабиятни мизелхъа манбышин къайиккы: 1. Поэзия.2. Уашахаршин адабият,3.
Проза. Мани китаббышиле ооъаб энки югун Россиейн шааирар, язычера, переводчикар, адабиятын критикар, редакторар, корректора рва мебын санаъаIткарар ишлемишивхьа. Ман ыхьайн дюнйейни маштабыкван проект.
Къийна ши проектеехъа алеетIу водун урусни мизел’ одкIунни ва ойкIанни шааираршин ва язычершин асарбы Россиейни миллетбышди мизелхъа сакIалауй ва манбы мактаббыше ушахаршис джони ед’ни мизел’ гьувой. Манчинимеега пыл ыккан. Умыд вобна , РФ-ни Правительствайн йишин ниятбы ва фыкырбы быкыраъасдимеега шас хыл’ авхъасда. Манчиле гъайре, мани маджлисе медын миллетбышди адабиятыква багълыданан суалбы иляккы.
Мани конференцие Россиейни миллетбышди Советни эл’черше. Манчин мани маджлисна вааджибыйвалла гьаагу. Чыхышбы гьаъанбышди увгьойка манн проект: «Россииейни миллетбышин адабият дюнйейлхъа еймишауй » геледжагъылид гьоIкуматын финансировать гьаъасын.Ши «Нур» кIазетни ва цIаIхбышди адабиятни секциени ишчерше Россиени марказе хаIбна иш джамаъаIтни сардан вуккыйхъа гора, Рафаэль чодж, вакIле сагъул-варул эйгьи.
