Апрельни 28-чил Россиейл’ экIданани медицинайни кумагни ишчершин йигъ алгъайгьи.
Мани вахтал’ экIданани кумагын каретабы хаахъа хъотIалас имкан дешдий, няъас увгьее мани техникайкена кеситийвалла вухьа.Мани къуллухын таарых 1898 сенни апрельни 28-чиле гийгъал. Эле гьамани йигъыл’ цIеддыйн экIданани кумагын каретабы МаскIавни кучебышее ишлемишехьи гидгъыл. Мани вахтал’ экIданани кумагын каретабы хаахъа хъотIалас имкан дешдий, няъас увгьее мани техникайкена кеситийвалла вухьа.Гьаргьаммаше экIданани кумагни ишчершихъаб халкьни арайл’ хаIбна гьуIрмат вобна. COVID-19 тезе коронавирусна азар еймишивхьайни замаане мани къуллухни санаъаIткараршина дараджа къат-къатна ахты хъувхьа.Пандемиейн йыIкьын юк цIедда мыгабышилхъа экIданани кумагни биргадабыше алятIу. Нимее дагъамда ихьейид, манбы манчини ыIгьтеенче хъабийнбы. ГьаIшде вирусыкена дагъамна вазият вобна, амма манчихъа ил’дяакы, мани азарыле гьалекийс гъамувхьа дешобунбы.ЦIаIхбышихъад медицинайни санаъаIт—бышилхъан хаIдын аIшкь водун, няъас увгьее гьини кIыл’ни халкьын республикайс, оIлкайс, дюнйейс джона иш югба ваацIан дохтурар, фельдшерар, медсестрабы ва мебын медишчер гьуво. Гьелбетте манбышди арайл’ йыIкьнекна джига экIданани кумагни къуллухни санаъаIткарарше авхъаахъа. Къийнийна йишда гаф Волгоградни шагьарни экIданани медицинайни кумагни Клиник станциейни джегьил’ фельдшерни Юсубов Максим Джалалетдинни гьаIкIеена вухьес.Максим Калел’ни хивее едике ыхьа.Мана кIыл’рананкъаIджар, хизан Бабаюртни районе еррашмишивхьайни Тезе Калел’ни хивехъа кочмишувхьа. Мааъад йыIкьнекин мактаб таамау. Юсубоваршина насыл доюкани малдараршина насылобна. Архайле- архайлхъа пешекарын санаъаIт илгъечIи ыхьа. Амма Максиме медишчийн санаъаIт сечмишау.медицинайни колледжна 4 курсна теляба ворна. Максимыхъад хъаIдхъийлхъа хаIдын гьавас гьагва. Манкъун санаъаIтыка багълыданан ацIаал’, гьунар къаджы манкъус экIданани кумагни станциебышди санчее ишлемишхьес теклифау. Максим фельдшерши къуллухыл’ пандемие къайнемишувхьайни вахтал’ ишлемишехьи гиргъыл. Манкъуни увгьойка, оIгийл’ мани азарыкена гееб дагъамна вазият вухьа.ЧIырынбышин сай хаIдда ыхьайхъа гора, водун биргадабы гыргынанкъаI усылехьи ыхьа деш. Шинад СОVID-19 азарыке къорамишааъан тюлибы къещи дешдий. Манке ши джурбаджурни дагъамни гьадисабышин шагьадкарар вухьа. ГьаIшде йишин биргадабы гыргынанкъаI вахтал’ гьийхьаранбы, няъас увгьее вакцинацие гьааъа гибгъылыйнчиле хъийгъа, пандемиейкена вазият юг хъоохьи вобна. Манчихъа ил’дяакы, аIгьтият гозетяаъас вуккан.Гьайни сен Максиме колледж быкыраъан. Манкъуни фыкрее медицинайни ааIли мактабехъа иккечIуй вод. Дора ши манкъус манчее угъурбы аIрзаъас.«Нур» кIазетни редакциейн экIданани кумагни къуллухыл’ ишлемишоохьен цIаIхбы санаъаIтни байрамука табрикааъа. Джос халкьыни къайгъвее аахвани заIгьматбышее джанана сагъвалла гьевлена.
