Къийна замаана бадалувхьана. Манчис сикlы инсанарыб бадалоохьенбы. Гьаlшде гьийдни сенбышее хьинне инсанар йыlкьни ишбишил’ ишлемишоохьи деш. Хаlббананбыше сибыкын пыл къазанмишаъас джан айгьи. Манбышди геллесынкьус магьаlбна рагьаlтна девлет къазанмишааъас воохьи деш.Къийна замаана бадалувхьана. Манчис сикlы инсанарыб бадалоохьенбы. Гьаlшде гьийдни сенбышее хьинне инсанар йыlкьни ишбишил’ ишлемишоохьи деш. Хаlббананбыше сибыкын пыл къазанмишаъас джан айгьи. Манбышди геллесынкьус магьаlбна рагьаlтна девлет къазанмишааъас воохьи деш.
Манчихъа ил’дяакы, йихъбышди джаванаршини аlрайл’ джони гьаlракатыквайий заlгьматыква къык къазанмишааъан санаъаlткарарыб кlылба дешинбы. Манбы нишиледжаб хъидаlбкьын, дагъамни ишилхъан гьавасква янашмишоохьи. Джо сечмишауйни санаъаlтылхъа хаlдын аlшкь гьагва.Мишлешни хивее ешемишехьена сварщик Рустамын до Сувал’ни магьаlлыл’ни хиварше ешемишоохьени инсанаршикlле югда ацlа. Манкъве гьавъуна сваркайна иш гыргыни хиваршее, хайбышее растына хъавайли вобна. Устадее сауйн уфтанын магьаlджарбы, дарвазабы, аккабы ва сабара медын карбы гыргынанкъаl къаджес эйхьи.Мани санаъаlтылхъан аlшкь Рустамыхъад кlыл’валиле гидгъыл. Манкъуна дек’, Исрафил дайий, геер доюкана сварщик ыхьа. Мана хаlдда сенбына хизаныка Аlранее ешемишхьа. Манкъус мани санаъаlтын къулайбы цlедда мааъад хаlдхъыхьа. Рустаме эйгьен: «Ши сувалхъа кочмишувхьа хъабыйнкьаl зы кlыл’на гадений. Манке деккее зас сваркlабы гьаъас иджаза гьелен дешдий. Аlрейнче сабара сенбы адкlынийле хъийгъа, зынар сваркайни ишни къуллайлхъа гирхьуна. Йизда хылена иш къавджумее, деккее санаъаlт таргауйн». Манчихъа ил’дяакы, Исрафил дайей лазымни джигее Рустамыс кумаг гьелен. Манкъве гьар вахтал’ духайс югна санаъаlткар ихьесдимее маъаlллимийвалла гьааъа, мыслягьаlтбы гьели. Рустамни увгьойка, къийна сувал’ни хиваршее джус гьеххаалика гьаъасын эйхьенбы. Манчиле савагьийда, Магьаlчкъалайни шагьарейнчед закlазбы хъадайленбы. Инсанарше заке дарвазабы, хайбышин аккабы саъас хаишаъа. Манбышис йизда иш кьабылёохьена. Рустаме Сувал’ни магьаlлыл’ни хиваршее ешемишоохьени инсанаршис джанана сагъвалла аlрзавъу. Манкъуни увгьойка, сабара сенбына гьихъа джона хизан дагъамийвалика растына хъабы. Джо ешемишоохьен хайбы темизда гёдхьунийнбы. Манке манбы инсанарше кумагдена гьабсыр деш. Мишлешни хивни джамаъаlтын, джурайда ишкар инсанарше, хайирхагь фондбыше хайбы тезелемишаъасдимее аlхан кумаг гьувойн. Гьааъани ишни гьаlкlее гаф гибхьыйнкъаl увгьойн: «Зы ненкеджар ишиле хъаlркьын деш. Гьар вахтал’ хылехъа алябтlуна иш уфтанба, чини къайдайка гьааъас чалышмишехьена. Гьасре йизди ишис кьиймат инсанарше гьевледжин.Къийна Рустам джуни хизаныква тезе хайбышее ешемишехьи ворна. Мана джамаъаlтын садджу югна санаъаlткар хьинне деш, гьамыр маlрафатыкана хизанна вукlлел’на хьинне ацlа ворна. Манкъве ёлдашика саджигее кьоlйре ушахар чlакlы хъааъа вобунбы.Зынад Рустамыс къеджени ишбышее угъурбы аlрзаъа.
