Йишди гьоIкумматыл’ Россиейни йигъыс къадсырыйн тадбырбы гыргыни республикабышил’, вилаетбышил’ илгъечIуйнбы. Мани тадбырбышин энки ахтыйн югба ишлемишоохьени инсанаршис гьоIкуматни сураке мукафатбы ва наградабы гьувой ыхьа.

Манбышди джаргее, Ханты-Мансийскни автономный округыл’ нафтни компаниее ишлемишехьена, мааъар ишыгъбышхъа иляккана (электрик) хыIягъаIлий Гъазиев Мухтар Ибрагьимна дих ыхьа.
Манкъус Россиейни Президентни Владимир Путинни кьараруква «За заслуги перед Отечеством» II степени» орденын медал гьуво.
Ман медал Мухтар Гъазиевыс тентенейква Россиейни Йигъыс къабсырни маджлисее Ханта-Мансийскни автономный округни хаIрынкъве Руслан Кухаруке хъуво ва мана мани медалыква табрикаъу.
Мухтар чоджий 1961-ъэсди сен Рутул районни ХыIягъни хивее едике ыхьа. Цlаlхыйни хивеени мактабей хъаlдхъы. Молюдъэсын сыныф быкырауйле хъийгъа, санаъаlтбы Магьаlчкъалайни политехни техникумейхъа хъуво. 1977-1981-ъэсди сенбышее мааъад хъаlдхъыl. Дипломыка саджигее манкъус эскерейхъа хъойтlалан кагъыз хъады.
Манкъуна эскерийвалла Афганистан Пулихумри донани вилаятыл’ илгъевчIу.
Афганистангъанче хъарыйни хъийгъыйни сен мана ишлемишхьес Сургутни шагьарейхъа аркlын. Хаlдда сенбы водунбы мана мааъар ешемишехьен ва ишлемишехьен. Манкъве мааъаб къавджейни ишис гьоIкуматни сураке ахтына кьиймат гьувой гееб хабна иш вобна. Йишди миллетни эл’чершихъад маIгьдын медалбы нейинки Россиейнбы, Дагъыстанынбыд сейракда водонбы.
Ши Мухтар Ибрагьимна дих вуджее къооджени ишис гьувойни ахтыни наградайква табрикаъана. Джус хыллийна ыIмыр арзуламишааъа.