Июлни 28-чил цIаIхни халкьни шааирын, язычийн, тарджумачийн, Россиейни язычершини Союзни уIзвыйн Гьамзаев Валегь Мусайни духайн 65 сен быкырхьа.
Валегь маIъаллим 1961 сен Сувагыл'ни хивее едике ыхьа. Мааъад йыIкьнекин мактаб таамау. 1979 сен мана Азербайджанни хаариджий мизяршини педагожи институтейхъа иккечIу ва 1984 сен ман аали мактаб угъадука быкырау.
Ватаныс эскерын бордж хъувойле хъийгъа, В. Гьамзаеве Къахни районни Агъйезийни хивее, гойнед аIзизни Сувагыл'ни хивее маъаIллимийвалла гьавъу. 2002 сен мана Дагъыстан Республикайни марказейхъа, МаIгьачкъалайни хивеехъа кочмишхьа.
Шааирын асарбы хъаIдаххъанбышикIле мана Валегь Гьамзат хьинне ацIа ворна. ГьаIшде Валегь маIъаллим цIаIхни мизел' хъигъечIени «Лачын» журнална хааIрна ворна. Манчиле гъайре манкъве Дагъыстанни язычершини Союзее цIаIхбышди адабиятни секциейс регьберийвалла гьааъа. Чапыке Валегь Гьамзатын едни мизел' «Ватан», «КIалендар», «Хазна», «КIаарна биссий» , «Аазырий са хаIм» ва медын китаббы хъигъечIу.
Манкъве цIаIхни мизелхъа дагъыстанни, россиейни, дюнйейни классикаршин хил'дже асарбы тарджума гьау.
Ши йишда гьамбаз Валегь маIъаллим 65 сенни юбилейиква табрикаъа. Манкъус джанана сагъвалла, йикIена шадвалла ва геледжагъылид хаIдын угъурбы аIрзуламишаъа.