Къийнийни йигъыл’ Дагъыстанэй угъадука «Земский дохтур» программа ишекечирмишааъа вобна. Республикайни сагъламыйвалла гозетяаъани министерствайни маIълуматыхъа гора, 2024 сен дагъыстанни хиваршее «Земскийдохтур/ фельшер» программайка 170 медицинайн ишчер ишилхъа дюзел’мишавъу, манбышди аIрее 149 дохтурар ва 21 ишчий йыIкьнекни персонална.

ГьаIшде «Земский дохтур/ фельшер» программайни иштыракчершис ешиква алаакьанан кьадагъабы дешинбы. Мааъад садджу кандитатын  50 аазырыле кIыл’ба инсанар ешемишоохьени джигэй ишлемишхьесын гьавас гозетяъа.

Программайка ишилхъа дюзел;mso-spacerun:yes’>  1 милйон манат пылна гьооли,  ешайишис дагъамни джигабышее 1,5 милйон манат. Фельшераршис —  500 ва 750 аазыр манат.Манчиле гъайре медын кумагбы муниципалитетбыше гьели.

Земский дохтур, фельшер ихьес ва пыл аляатIас са элеес  эйхьи. Мер мани программайка ишилхъа дюзел’мишхьес иджааза дешин.

Дагъыстанэй здраавоохранениейн цIеддыйн звено тезелемишаийн хиваршее 200 ваIщеле агъаллана саIнаъаткар ишилхъа дюзел’мишаъасда имкан гьуво. Гьайни сен мани программайка ишилхъа иккебчIес вуккананбышис гыргынанкъаI аккабы аахъы  водунбы.

Рутулни районейиб мани программайка ишлемишоохьен дохтурар, фельшерар кIыл’ба дешобунбы. 2012 сениле хъийгъа ишилхъа 35 дохтура ляртIу.  Хъийгъа манбышике 14 инсан ишиле аркIынна. ГьаIшде мани программайка 21 дохтур ишлемишехьи.  Манчихъа ил’дяакы, районыхъа медицинайни саIнаъаткараршина хаIбна кеситийвалла вобна. Умудааъана, гьоIкуматын гьелени кумагбышиква геледжагъыл’ вазият къайдайлхъа хъаваляаъасда.