Лекахъана йаlхъ Лекагъанни чейлягъылле агъалла вобна. Къийна мана йаlхъ темизба дагъалмышувхьа вобна. Хьинен экlда-экlда гьаъани сел’быше инсанаршин, машынбышин ивийкырий дагъам хъаъа.

Юххьан, цывлихъа дама хаlб хъувхьайнкъаl, махъа машиныд ийкар деш. Мана йаlхъ чини къайдалхъа абчес чалышмишоохьен хаlдда сенбы водунбы. Гьаlшде йаlхъбы хъаъассе гьихъа, дамани оодун йыгъааlрхъаъа гибгъыл. Юххьан, цывлихъа дама хаlб хъувхьайнкъаl, махъа машиныд ийкар деш. Мана йаlхъ чини къайдалхъа абчес чалышмишоохьен хаlдда сенбы водунбы. Гьаlшде йаlхъбы хъаъассе гьихъа, дамани оодун йыгъааlрхъаъа гибгъыл. Йыlгъ йаlххъбышихъа иляакани «Дорстрой –К» донани ташкилатын аляаъа. Ташкилатна хааlрна Шафи Аlбдуллаевни увгьойка, мана йыlгъ бербадни вазиятылин l йигъааlр абредхъа аддачени программайка тезелемишааъа вобна. Йыlгъ  Гыл’мецlни хивейнче Лекахъа машинбы ийкарни йаlххъыни 2 километрее аляаъа вобна.  Манчина хылийвалла 7, ахтывалла 3, аlкьваллаб 5, 2 метру водун.  Ишбы ыккейсдимее гьуlкуматын 3 милйоный 300 аазыр манат пылын къайиккы водун.  Тикинтийн ишбы гьайни сенни аlхырелххъасее быкыраъасынбы.Манчиле савагьийба «Дорстрой – К» ташкилатын Рутул- Вочек-Джинаlгъ йаlххъыни 23-ъэсди километриле гибгъыл 27-ъэсди километрейхъамее тезе йаlхъ аляаъа вобна. Йиссе хъыхьайн йыlгъар тезелемишауйле хъийгъа, ташкилатни фыкре Лекни хивейхъана поштна йаlхъ хъавъуй вобна.  Йаlхъбы хъыхьайле хъийгъа, инсанаршин Лекни хивейхъа гьабкlыний-хъабый сибык хъихьес. Йаlхъбышил’ къеджени ишибышиле лекын джамаъаlтыд шадехьи вобун. Гьихъа манбыше хаlдданан кар йаlхъбы дешва йыкьаlл’ний гьаххъа. Поштна  йаlхъ абрейхъа хъабыйка, инсанаршин ешайишид хил’дже  сибык хъихьес.