Гьайни йигъбышее ЦIаIхни хивее маданиятни марказын аIдатый ремонт гидгъыл. Манчини гьаIкIеедын мислягьаIтбы сабара вахтна гьихъа къадже.
Маданиятни марказна кьоIбле мартабанана бинаа хивни йыIкьнее ХХ асырни 80-ди сенбышее алявъу. Оони мартабее клуб ыхьа, авуд кIалхозын искIалатбы ва магазин. Гойне мааъад медын ташкилатбы: китабхана, пошт, цемент саъан джига ва медынбы. Гьел’бедти, мани сенбышди аIрее мани бинаас хаIдын ремонт гьаы деш. Манчихъа гора , акка-къул’, джил’-хъурк’, суваагъбы , баругбы йиссехъыхьа. Маданиятни марказна кьоIбле мартабанана бинаа хивни йыIкьнее ХХ асырни 80-ди сенбышее алявъу. Оони мартабее клуб ыхьа, авуд кIалхозын искIалатбы ва магазин. Гойне мааъад медын ташкилатбы: китабхана, пошт, цемент саъан джига ва медынбы. Гьел’бедти, мани сенбышди аIрее мани бинаас хаIдын ремонт гьаы деш. Манчихъа гора , акка-къул’, джил’-хъурк’, суваагъбы , баругбы йиссехъыхьа. МислягьаIтеехъа хъабыйнбы ДР-ни маданиятни министерствайни ва Рутул районни кумагыгва мана бинаа тезелемишааъас ва сабара ташкилатбы махъа саъас. Мана бинаа ремонт гьаъасын проект Ш. АIлимурадове къурмишаы ва мани проектна ыIлим хааIрна ааIлим АI. ЫIмаров ворна. Проектын экспретиза илгъечIуйле хъийгъа, манбышис иджааза гьувойн мани бинаайн ремонт гигъалас. Ремонтыд АIриф ЫIмаровни ташкилатын гьаъа водун.ЦIаIхни администрациейни хааIрункъуни Вагиф АIлиевни увгьойква, ишбы алеетIуйни планыква гидгъыл водунбы. Мааъаб ишлемишоохьен устадар ва фегьлебы хивеенченбы джаб вобунбы. ГьаIшде мааъаб Сулейманов Рамазан,ШаIъбанов ЫIсмаыл’, Мустафаев Баба, КIамазов Салман ишлемишоохьи вобунбы. Манбыше йиссейн сувагъбы къааъа, аккабы , къулепбы хъыгъаъа, джил’ алхъааъа вобна. Ман ишбы таамхьайле хъийгъа, мааъаб мебын устад-санаъаIткарарыб ишлемишивхьесынбы. В. АIлиевни увгьойка , ремонт таамхьайле хъийгъа оони мартабее хаIдын клуб ва кIылин утагъ ихьес. Авудни мертабее хивын администрацие, пошт, музей вухьес. Къийна музеехъан гыргын экспонатбы Вагиф ГьаIджиевни гьаIракатыква саъы водунбы, садджу манчис республикайни музейбышин статус гьелес ыккан. Мана дагъамийваллаб , инам гьаъан гьаIллааъасда.Китабхана администрациейни йиссейни бинаалхъа хъыккеес.Агар ишбы хъодкуда адкIынее, гьаваабыше мешат гьидеъээ, финансирование вахтал’ ыхьее, материал вахтал’ джигайлхъа гьихьареъээ, октябрьни 1 ремонт таамаъасын. Манке ман ачмишаъас республикайн, ДР-ни маданиятни министерствайн, районын къуллухчера ва цIаIхни дерайлин джамаъаIт салес.
