Апрельни къайийгIанчил’ Дагъыстанни девлет педагожи университетни хаариджийни мизяаршини факультете рутулбышди шааирыни Саид ГьуIсейновни китабын «КIынл’и коксе хаIдын йикI» презентацие илгъечIу.
Мани маджлисеехъа шааирын гогьарбы, шааирар, ааIлимар, журналистар, аалимактаббышин телябабы ва адабиятын гьаваскарар сабы. Китабни презентациейс къабсырна маджлис филологиейни ыIлимбышди докторе, ДДПУ-ни профессоре АIлисултIан АIлисултIанове вуккы. Манкъвее сабыйнбы шааир С. ГьуIсейновни ыIмрека ва вуджее одкIунни китаббышиква танышавъу. АI. АIлисултIанове увгьойн: « С. ГьуIсейнов доюкана шааир ворна. Манкъвее джун асарбы кьIони мизяаршил’- рутулбышди, лезгибышди -ойкIан. Чапыке къайиккыйн манкъухъад хьебыдле китаб водун. Манчиле гъайре са муджры хылека одкIунийни дафтарбышда вобна. Манбы геледжагъыл’ чапыке хъигъечIесынбы. Саид СултIановиче одкIунийн асарбы ыIмрени, муIгьубни, табиятни, Ватанни, мугьуIббатни гьаIкIеедынбы водунбы. Манкъухъад садджу джус ааидын адабиятын хатI водун…»
Гойне манкъвее С. ГьуIсейновни гьаIкIеедын чыхыш гьаъас китабыс «КIыл’ни коксе хаIдын йикI» рецензие одкIунни филологиейни ыIлимни докторыс, ИЯЛИ ДФИЦ РАН-ни хааIрни ыIлимни ишчийс Мариза Ибрагьимовайс гьуво. МаIнкъее шааирни гьаIкIеедын аIтрафлы чыхыш гьау.
Маджлисее авторни, китабни ва адабиятни гьаIкIеедын чыхышбы фонд «Имам Шамил’ни» садрее Алиасхаб Хархачаеве, Генерал – полковник М. Танкаевни дойил’ни джегьилершини патриотический фондыни садрее ГьаIсангьуIсейн АIбдулджалилове, язычее, журналисте Кьурбан Омаханове, шааирее, журналисте Саид Сулейманове, Дагъыстанни халкьни шааирее Аминат АIбдулманаповае, ДР-ни ДжамаъаIтни палатайни уIзвее Вагьаб Казибекове, шааирее, публицисте Максим АIлимове, ДДПУ-ни маъаIллимае, С. ГьуIсейновни хыдылее, МаIгьачкъалайни хъаIдхъийни управлениейни къуллухчее Зулгижат АIбдулджалиловае, ДДПУ-ни хаариджий мизяршини факультетни декане Диана Абдуразаковае ва мебынбыше гьау. Чыхышбы гьаъанбыше ахтына кьиймат гьуво шааирни асарбышис, китаббышис ва манчиква делесийвалеенче танышивхьесва увгьо.
Маджлисни аIхрее АI. АIлисултIанове джуваб китаббышди авторыс, шааирыс ГьуIсейнов Саидыс СултIанни духайс гьуво. Манкъвее джуни ыIмрени ва одкIунни китаббышди гьаIкIеедын маIълумат гьуво. Сабыйнбыше диххъатуква манкъуни хабарбышилхъа кIыры гяххъы.
Маджлисни аIхрее С. ГьуIсейновыква саджигеедын шикыл’бы едигарыс цIыцIау. Авторе джун китаббы пайис сабыйнбышис битIалау.
ни маджлисеехъа шааирын гогьарбы, шааирар, ааIлимар, журналистар, аалимактаббышин телябабы ва адабиятын гьаваскарар сабы. Китабни презентациейс къабсырна маджлис филологиейни ыIлимбышди докторе, ДДПУ-ни профессоре АIлисултIан АIлисултIанове вуккы. Манкъвее сабыйнбы шааир С. ГьуIсейновни ыIмрека ва вуджее одкIунни китаббышиква танышавъу. АI. АIлисултIанове увгьойн: « С. ГьуIсейнов доюкана шааир ворна. Манкъвее джун асарбы кьIони мизяаршил’- рутулбышди, лезгибышди -ойкIан. Чапыке къайиккыйн манкъухъад хьебыдле китаб водун. Манчиле гъайре са муджры хылека одкIунийни дафтарбышда вобна. Манбы геледжагъыл’ чапыке хъигъечIесынбы. Саид СултIановиче одкIунийн асарбы ыIмрени, муIгьубни, табиятни, Ватанни, мугьуIббатни гьаIкIеедынбы водунбы. Манкъухъад садджу джус ааидын адабиятын хатI водун…»
Гойне манкъвее С. ГьуIсейновни гьаIкIеедын чыхыш гьаъас китабыс «КIыл’ни коксе хаIдын йикI» рецензие одкIунни филологиейни ыIлимни докторыс, ИЯЛИ ДФИЦ РАН-ни хааIрни ыIлимни ишчийс Мариза Ибрагьимовайс гьуво. МаIнкъее шааирни гьаIкIеедын аIтрафлы чыхыш гьау.
Маджлисее авторни, китабни ва адабиятни гьаIкIеедын чыхышбы фонд «Имам Шамил’ни» садрее Алиасхаб Хархачаеве, Генерал – полковник М. Танкаевни дойил’ни джегьилершини патриотический фондыни садрее ГьаIсангьуIсейн АIбдулджалилове, язычее, журналисте Кьурбан Омаханове, шааирее, журналисте Саид Сулейманове, Дагъыстанни халкьни шааирее Аминат АIбдулманаповае, ДР-ни ДжамаъаIтни палатайни уIзвее Вагьаб Казибекове, шааирее, публицисте Максим АIлимове, ДДПУ-ни маъаIллимае, С. ГьуIсейновни хыдылее, МаIгьачкъалайни хъаIдхъийни управлениейни къуллухчее Зулгижат АIбдулджалиловае, ДДПУ-ни хаариджий мизяршини факультетни декане Диана Абдуразаковае ва мебынбыше гьау. Чыхышбы гьаъанбыше ахтына кьиймат гьуво шааирни асарбышис, китаббышис ва манчиква делесийвалеенче танышивхьесва увгьо.
Маджлисни аIхрее АI. АIлисултIанове джуваб китаббышди авторыс, шааирыс ГьуIсейнов Саидыс СултIанни духайс гьуво. Манкъвее джуни ыIмрени ва одкIунни китаббышди гьаIкIеедын маIълумат гьуво. Сабыйнбыше диххъатуква манкъуни хабарбышилхъа кIыры гяххъы.
Маджлисни аIхрее С. ГьуIсейновыква саджигеедын шикыл’бы едигарыс цIыцIау. Авторе джун китаббы пайис сабыйнбышис битIалау.
