Дагъыстанэйнчена полковник Курабег Къараев Россиейни КьаIгьраманни доюс лайикьра къаджы. Манчини гьаIкIеена хабар джуни телеграм-канале ДР-ни хаIрынкъве Сергей Меликове гьуво.

Курабег Къараев СВО гидгъылыйнчиле хъийгъа гьини ахтыйни доюс лайикьауна 17-ъэсда дагъыстанны ворна. Мана едике Дербентни районе ыхьа.
«Гьале мактабе хъаIдаххъани вахтал’ мана джуна ыIмыр эскерни саIнаъатыква багъламишаъасди кьарарылхъа хъары. 2011 сениле джаргэй ворна!
СВО-хъа цIеддыйни йигъбышил’ майорни званиейл’ хъары, вахтале гьихъа подполковникын ва полковникын званиебы аляатIу. Манчин манкъуни ахтыйни хасиятбышди гьаIкIее эйгьи.
Дагъыстанные хьулехьейб игитийвалла гьаагу. Мани гьаракатбышис кьоIни Мужествайни орденбышис, «За храбрость» медалыс ва доюл’ни ярахыс лайикьра къаджы.
Джанбашеква Ватаныс къуллухавъийка, джомардыйвалика йишда ватанэгьлий мотострелковый бригадайни камандирни къуллухулхъа гьирхьыл’. Манбыше энки дагъамни сентбышил’ ваджибын мисалабы гьаллаъа водунбы. Манкъуни регьберийваликва бригадайн гуджнакан гьуIджумын гьаракатбы ыккы. Манчини кумагыка сабара хивар аазадау.
Йишди ватанэгьлийлхъа зенг гьаийн ва ахтыйни званиейква табрикау. Манкъус ва гыргыни йишди Ватан къорамишааъанбышис джаннаа сагъвалла ва Гъамувхьай аIрзау!», — регионни башчийе къейдау.
Манчиле гъайре Сергей Меликове игит’ дих хаIрхъауйс КьаIгьраманни деккис, едис миннатдарийвалла агъмишавъу.
«Джурайн ташаккурын джуваббы игит’ дих чIакIы хъаийни Курабег’ни деккикIле, едикIле – АIбдулла Курабег’ни духайкIле ва Лейла ГьаIджимурадни йищекIле эгьес ыккан.
Дагъыстанныбы кIыл’валике Ватаныс гьуIрмат гьааъас лазымба вухьай, йаIгь-ламысыква хаIбхааъа вобунбы. Гьеле гьаIмагьадни хасиятбыше йишин ватанэгьлиер ыIгьтибарнан, нишиледжаб хъидяакьаIнан ва мыгькамын эскерар гьавъу. Манбыше душманыс лайикьыйн хъелен.
Ши 16-ни Россиейни КьаIгьраманаршиле ва гыргыни йишди эскераршиле гуянмишоохьи вобунбы!»,- республикайни регьбере одкIун.