АIхрейни сенбышее йишди миллетын джаванар идмануква гьаракатуква маIшкьул воохьи воб ва джурбаджур ярышбышее, турнирбышее иштыракаъа.

Масалан, шахьад югун футболын ЦФЛ чемпионат водун, гойнед сабара хиваршее мактаббышее клуббы ачмишаъу (Мишлеш, СПК «Ленина» тасарруфатыл’) джаванар идманыква маIшкьулоохьенбы. Сабара сенбы водонбы СПК «Ленина» донани тасарруфатее «Академия ММА — Babayrt» донан идманын клуб ачмишауйн. Манчина маIшкьчий Багьавудин Джанаев ворна. Мани клубни идманчерше республикайни турнирбышее югун джигабы аххъаххъанбы.
Масалан, сабара гагьна гьихъа МагьаIчкъалайни шагьарни маджлисни садрыйни Хиби АIлиевни мукафатбышис къадсырыйни турнире мани клубни кьоIни джегьиле ахтыйн джигабы аххъы. Манбышди санкъве АIлиев Саиде цIеббыйна джига ва ГьаIджи-Мурад АIбдулкьадирове хьебыдъэсда джига авхъу.
Ши мани клубни маIшкьчийс ва джуни идманчершис хаIдын угъурбы аIрзуламишаъа.