Августни 16-чил Дагъыстан Республикайни таIгьсилни ва ыIлимни министре ЙаIгьйе Бучаеве регионални журналистаршикван пресс-конференцие алгъавгьу.

 СМИ эл’чершин министрылхъан суалбы ГИА-2022 кампаниейни екунбышиква багълыдананбы, къыIлийни джан тавулхъа хъаляъани кампаниейс ааидынбы, мактаббышее капремонтбышди ва манбы тезе хъаIдхъыйни сенийс къооджени гьазирийваллайни гьаIкIеедынбы ва медынбы ыхьа.СМИ эл’чершин министрылхъан суалбы ГИА-2022 кампаниейни екунбышиква багълыдананбы, къыIлийни джан тавулхъа хъаляъани кампаниейс ааидынбы, мактаббышее капремонтбышди ва манбы тезе хъаIдхъыйни сенийс къооджени гьазирийваллайни гьаIкIеедынбы ва медынбы ыхьа.Журналистни  ГИА кампаниейни екунбышди аллани суалыс джаваб хъеленкъаI Й. Бучаеве увгьойн, 2022 сенее ОГЭ 9 сыныф таамауйни 36262 инсане хъуво , ЕГЭ 11 сыныф быкрауйни 13551 инсане хъуво, манбышике 11200  ушахар гьайни сен мактаббы таамауйнбы вухьа ва 1925 – шацыйни сенее. Манкъуни джуваббышихъа гора, профилни математикайке гьайни сен йыIкьнекна бал агъалла хъувхьа, ЕГЭ хъувойни 31 инсане джурбаджурни предметбышике 100 бал алябтIы.2022 сенни къыIлина джан тавулхъа хъаляъани кампаниейни гьаIкIее гаф гибхьыйнкъаI министре агъмишаийнки, гьайни сенни къыIлина 30 аазыр ушахе истираIгьат гьаъас. Мани сардан республикайни 122 лагерьбыше гьаракатука иш къооджи вобна. ХъооIни сен фыкрее лагерьбышин сай хъаIдхъауй водун.Манчиле гъайре мактаббышени капремонтбышди гьаIкIеейиб гаф вукку. ЙаIгьйе Бучаевни увгьойка, гьайни сен республикайни таIгьсилни 210 бинабышее ремонтын ишбы къеджи водунбы. 70 объектбышее графикыле гьихъа ишбы таамауйнбы, 110 бинабы дарсыбы гигъалассе гьзирда ихьес. Гойнехьиннед, хьебыдле сменнан мактаббы акIанаийниме, Дагъыстане 19 тезе мактаббы аляъа водунбы.Пресс-конференциее «Профессионалитет» программайни аллаб йишонувхьа. «Профессионалитет» федерал проект водун. Манчини кумагыка республикайс лазымын санаIъаткарар гьазирааъа. Дагъыстанэ мана программа Буйнакскни хивни тасарруфатни колледжни базее ишекечирмишааъа.