Сабара йигъбына гьихъа Дагъыстанни ГьоIкуматна Садры АIбдулмуслим АIбдулмуслимов республикайни делегациейни вукIлел’ Мурманскни вилаяте ыхьа ва джурабаджурайни тадбырбышее иштыракау.
Дагъыстанни делегациейн адый ГьаIджиево шагьарни 68 сениква багълыда ыхьа. Шагьарни йигъни шадлыгъбышди чечнайл’ хил’дже тадбырбы илгъечIу. Манчини аIрее СССР-ни КьаIгьраманыс, 2 дараджайни капитаныс МаIгьаммад ГьаIджиевыс гивхьуна гьайкал ачмишавъу. Мааъад чыхышаъанкъаI АI. АIбдулмуслимове дагъыстанни халкьыни доюле монумент къурмишавъуйнбышис миннатдарийвалла агъмишавъу.
Гьаманиджад йигъыл’ шагьарни йигъыс къадсырыйн дагъыстанни артистаршини иштыракыкан концерт ыхьа. Мааъад чыхышаъанкъаI республикайни премьер-министре къейдауйн, Дагъыстанни делегациейниме къийна мурманскни торпахыл’ вухьай хаIбна гьаIдиса вобна. Гьиняаъаб аазырыле агъаллан дагъыстанныбы ешемишоохьи вобунбы. Гьиняаъаб Магьаммад ГьаIджиеве кьаIгьраманийвалла гьаагу. ЙикIейнче шагьарни Йигъыква табрикааъа ва къуIмани Дагъыстанейхъа аблева эйгьи!