Ноябрьни 3-чиле 13- чилхъа меега Алидкыйни АIрабни Эмиратбышди (ОАЭ) Шарджайни шагьаре дюнйейни доюкани язычершини китаббышин гьагуй илгъечIес.

Манчее йыIкьнекна джига РФ-ни язычершини Союзни уIзвийни Кьурбан Омахановни китаббыше авхъас. Мана адабиятни дюнйейл’ югра ацIаворна. Манкъун до гыргынанкъаI  вуджее одкIунни асарбыше ацIаляу.

АIрабни оIлкайл’ илгъечIесди китаббышди ярмаркехъа дюнйейни машгьур классикаршиква саджиге  йишда цIаIхйелий хъортIулий хаIбна хошбахтыйвалла вобна. МаIгьдын угъурбы Кьурбан Загьирна дих Омаханове хаIдда сенбынани заIгьматыква къазанмишау.

ИлгъевчIесди китаббышди ярмарке йишди миллетни адабиятыквана сифтийна танышийвалла вухьес.  Манчин гьайнягьдын халкь водунва, манбышихъад лайикьыкван адабият водунва дюнйейлхъа еймишаъас.

Адабиятни сардан цIаIхийгъалий Кьурбан Омахановыс 2021 сен гед угъадукан водун. Няъас увгьее сабара гагьна гьихъа Ростовни шагьаре « Кавказский экспресс – 2021» адабиятын альманах хъигъечIу. Мани китабни чап гьаийс Россиейни маданиятни фондын кумаг гьуво.

«Кавказский экспресс-2021» альманахехъа адабиятни джурабаджурни жанрбышил одкIунийн асарбы гядкIу. Манчини аIрее лайикьна джига йишди гьамбазе одкIунийни асарбыше авхъу.

Ман китаб одкIунийни ишее УIрсатни, Гурджистанни, Азарбайджанни, Украинайни, Армениейни  доюкани язычерше иштыракау. МагьаIдни альманахбышда макьсад адабиятни кумагыка гьаар мизаршил’  йишонааъани миллетбышди арайлин муIгьуб артмишаий вобна.

Кьурбан Омахановыхъад геледжагъыл’ цIаIхни мизеква, адабиятыква багълыданан хил’дже ишбы водунбы. Ши манкъус манбы быкыраъас джанана сагъвалла, одкIунийлхъан гьавас аIрзуламишаъа