Аlхрейни сенбышее йихъбышди хиваршее  хаIдда югун ишбы къеджи водунбы. Хиваршени някьвбышин гьихъийаллан джигабы итIумгьаъа, манзикбы, зияратбы, булахбы тезелемишгъаъа, сабаранбыше деккаршин юрдбы хъаъа водунбы.

 Ман ишбышин хаIддананбы хиварше едике вухьа, гьаIшде МагьаIчIкъалэ, Россиейни шагьарбышей ешемишоохьени йыхъерше, сайид хиваршини фондбышие кумагбы гьуво къеджи водонбы.Ман ишбышин хаIддананбы хиварше едике вухьа, гьаIшде МагьаIчIкъалэ, Россиейни шагьарбышей ешемишоохьени йыхъерше, сайид хиваршини фондбышие кумагбы гьуво къеджи водонбы.Сабара вахт вобна ЦIаIхийни хивейдын гарма ремонт гьау ва уфтан хъауйин. Гармайн хив гьалеб ярашугъейхъа абчу.Мана иш РаIгьимоваршди хизанын джони харджийква къавджу. Манбыше мана, Аллагьни йаIххъейхъа къавджуна хаlбна хайирхагь иш,  джони делесынбышис РаIгьимов МагьаIммадни ва Русланни едигарыс  къабсыр. Аллагье къабыл’гьаъанбы ман ишбы ва джаванба гьини дюнйейле абкIынни джаванршис дженнет гьеленI. Гарма ремонт гьаъан ишбы устад Вагифни  хаIбваликва къаджу. Мани ишбышей джос шавае кумаг гьаъу, джони  къел’-хылес кьувват гьевлена, ва гьаммаше маIгьдын джаIмаъатыс хайирекван ишбы къаджес къисмат ихьенбы. ЦIаIхийни хивни  гармайхъад хаIдын таарих водун. Мумкум вобна хив къурмиш вухьайнкъаI джаб мана вухьа вухьес. Увгьойбышихъа гора мани  гармайн хьян инсанни джанас  геед хайирекван водун, ва медни Кавказни джанас хайиреквани хьянбышле йикьаIл’ ахва деш.Манчини хьинен кIутунаршини, маIъдайни, йикIени ва cабара медни чырвал’бышис кумаг гьели. ЦIаIхейхъа гармайле хьян гяцIаас гьихъийаллани хиваршенче джаб деш, быкырни Дагъыстаненче абайле. ЦIаIхйни хивни, Сувал’ни маIгьаллайни джаIмаъатын РаIгьимоваршди хизаныкIле сагъолва эйгьи ва джо къеджен ишбы Аллагье къабыл’яьаанбыва эйхьи. Амин.