Гьайни дюнйейлхъа арына гыргына инсан гьаIкIени дюнйейлхъа айкIанна. Едике ыхьайий, раIгьматыххъа аркIыний сана-санчиква алаакьан карбы водунбы. Ненаджар фыкырамишехьи деш, джулхъа ман йигъ хъадайлива. Гьаарункъвее гьайни дюнйейл’ гьаманимеегана ыIмыр гьааъа, нимееганайий манкъус Аллагьее язее обкIун. Садджу, зале гибгъыл, фыкырамишивхьес вуккан нени «юкыквайий» шахъа аIлгьаас. Гунагьбы дешда инсан дешда. НягьаIкьни карбышике тууба гьавъээ, Аллагье манкъус гунагьбы джун багъышаъанбы. Аллагь ыбагъышаъана ва раIгьымнана ворна.
Къийнийни ишди макьаалейна метлеб мебна вобна. ШакIле къеджен, хаIббанан цIаIхбы Сувал’ни маIгьалыле шагьарбышеехъа кочмишивхьа аIл’гьаа вобунбы. Гьалекийс манчин оIги аххъас аIха деш. ХаIббананбыше МаIгьачкъале ва чини яныкни хиваршее — Хушет, Тюбе, Ленинкент, Семендер тезен юрдбы адаччи. Ши ооъад увгьойн хьинне, хайир ишбышиква саджигее шейир ишбыд эйхьи. Къийна мана са хаIбна гьаIллааъасда дагъамийвалла вобна. Къийна хъикIуна инсан бастурауй, шагьарее дагъамна иш вобна. Геледжагъыл’ мана гьалеб дагъамувхьес. ШакIле къеджен, инсанын бастурауйид алверылхъа садкIыл. Пылыква имканнани инсанее джуна раIгьматыххъа аркIынна инсан дёлесни някьвбышил’ бастураъа. Имкан дешинкъвее, аIкьанани някьвбышеехъа хъыккекка бастураъас. Маайиб кьоIбвалла гьааъа. Анджах аIзабыкее гьаIйкалылыквани нюкьнен хъикIуна инсан къорамишаъа деш. Къийнийни ишди макьаалейна метлеб мебна вобна. ШакIле къеджен, хаIббанан цIаIхбы Сувал’ни маIгьалыле шагьарбышеехъа кочмишивхьа аIл’гьаа вобунбы. Гьалекийс манчин оIги аххъас аIха деш. ХаIббананбыше МаIгьачкъале ва чини яныкни хиваршее — Хушет, Тюбе, Ленинкент, Семендер тезен юрдбы адаччи. Ши ооъад увгьойн хьинне, хайир ишбышиква саджигее шейир ишбыд эйхьи. Къийна мана са хаIбна гьаIллааъасда дагъамийвалла вобна. Къийна хъикIуна инсан бастурауй, шагьарее дагъамна иш вобна. Геледжагъыл’ мана гьалеб дагъамувхьес. ШакIле къеджен, инсанын бастурауйид алверылхъа садкIыл. Пылыква имканнани инсанее джуна раIгьматыххъа аркIынна инсан дёлесни някьвбышил’ бастураъа. Имкан дешинкъвее, аIкьанани някьвбышеехъа хъыккекка бастураъас. Маайиб кьоIбвалла гьааъа. Анджах аIзабыкее гьаIйкалылыквани нюкьнен хъикIуна инсан къорамишаъа деш. ЦIаIхбы, отIул-одхулыйн миллет водун. Манбышин някьвбыд (горханабыд) гьар сурал’ водунбы. Ши Сувал’ни маIгьалыле аIкьана ешемишоохьи, манчихъа гора раIгьматыххъа шагьарее аркIынна инсан Ватанылхъа гьихьараъас дагъамра эхьи. Менни миллетбыше джон гьабтIуйн инсанар хиваршеехъа хъувкекка. Сабара манчика багълыданан дагъамийваллабы гьаIллаъасдимеега, югда ихьес, агар йишди миллетыхъад раIгьматыххъа абкIынийн инсанар бастурааъасын джига шагьарни дёлесвале ыхьее. Гьайни делесийвале ши Шейх АIгьмад гьаIджий Бакаевыква хъызаахы. ГьаIшде мана Муслагъни хивеенче кочмышхьа, Семендерее ешемишехьи ворна. Манкъуквани горушее эле гьамани дагъамийвал’ни гьаIкIеена гаф вухьа. Манкъвее увгьойн: « Дюнйейлхъа арыйхъад, аркIынийид водун. Ши ман мысаджад кIелиханаъас ыккан деш. Авхуйнбышин бордж водун джуна динна чодж ваяхуд йичи маIърафатыква, адабыква , иманыква аIхреени йаIхъылхъа оIтирау. Гьел’бедти, шахъад някьбышиква багълыданан гьаIллаъасын суалбы водунбы. Манбыд мислягьаIтеехъа сабы гьаIллаъас ыккан. Къийна ши раIгьатта гьаIллаъасын ишбы, дагъам хъаъа. Хьодле сен водун мани ишбышихъар хъигьна ийкаран. ХаIдданани маджлисбышее, мавлидбышее, горушбышее горханайква алаакьан суал къалхымишау. Зы увгьойн, чубара, шас хъикIуна инсан сувалхъа хъыккый дагъамда водун, манчихъа гора гьайняа джурайн джига ыхьее югда ихьес. Дора не ман алищес, не агар йишди къуллухчершихъаб гьуIрмат, гудж вобхьее, шагьарни администрациейс хааишаъас. Шахъад маIгьдын имканбы дешинбы инсан бастураъасда джига цIайни кьийматыс алившесда. Анджах Джуваббышиква гыргынбы мислягьаIтеехъа хъабыйнбы, кIацIеехъа хъабымее гыргын къуллухчера, ишкарар кьаIчIбышеехъа гьеебхы». МаIгьад ихьес ыккан деш. Ши йишди гьалални заIгьматбышиква мана алебтIуна иш, Аллагьни кумагыква гьаIллааъа вобна». Са вазна гьихъа ши дестейква Параулни чIиебышди ессийсане вухьа. Манкъвее ши кьабылявъу ва йишди хааишилхъа кIырыгяххъы. Йишда аIгьвалат йишонавъуйле хъийгъа, манкъвее увгьойн: « ЧIиебы шаке масса гьелес аIхас деш, анджах шос , цIаIхбышис, инсанар бастурааъасын джига джурайда гьагвас аIхасын. Садджу шу ман джига сетIкIеехъа адче, махъа шлакоблокбы, оохъа гийххьен плитабы ва клунг, курак адле. Къаравулисахъа дёлес хъивхье, манкъвее шокIле джига гьаагвасда.Инсан нюкьнеехъа бастурауй шос 10 аазырыс гюъарас ва къутарды. Къийнад гьаман хурын заIгьматбы гьауй йишди инсанарше гарданахъа аляаIта деш. Югда ихьес, агар ши йишин фонд ачмишеъэ ва махъа садыйн ва харджаъан пыл ашкарда гьагвее. Мана ишиб темизни напснани инсанылхъа тапширмишааъас вуккан. Манке ши архайнба гьини дюнйейлиб, шени дюнйейлиб къалебкIас вааIхас» PS. Гьайна йишда Шейх АIгьмад гьаIджийквана телесюгна гаф вухьа. Манчилхъа ши гьале савкIаласынбы. АIсас мана «къалибхьына» дагъамийвалла, чIиеле сугъооцавъуна. Аллагьни кумаагыква ишин ишкарар, алверчера, къуллухчера манчини гьаIкIее фыкырамишивхьесынбы. Гьеленар ва аляатIана Аллагь ворна!
