Мартыни йицIукьанчил’ МаIгьачкъалайни 11-ъэсди гимна- зиее маъаIллимаршини мислягьаIтбышин фестиваль илгъечIу. Ман ихьессе гьихъа, республикаайни шагьарбышди, рай- онбышди хъаIдхъийни управлениебышис хабар гьувоний. Мана маджлис ед’ни мизен ва ададабиятын дарсбы гьелени маъаIллимаршини Ассоциациейн къурмишавъу. Манбышис иш къулайлхъа абчес ДР-ни хъаIдхъийни ва ыIлимни мини- стерствайн кумагау.

Маджлис илгъевчIесын утагъ гьихъа гьазирау. Гьар миллетыс джон майдам илгъечIесын джи- габы хъау. Фестивалихъаб чина программа вухьа. Миллетбышди эл’черше джон хорагбы, аIдатбы, мыкIар гьагу. Гойне джурайда пленарный заседаниебы, мастер -классбы илгъечIу. Манбышди заIгьматбышис, гьаIракатбышис, ацIаал’бышис кьийматбы гьар мил- летике кьурмишауйни жюрийн гьуво.

Гьаммашийнбы хьинне, Рутул районеече мактабын ушахар джо- ни маъаIллимаршиква, мани ед’ни мизеква алаакьани йигъ- ынджагъеехъа абы деш. Районни хъаIдхъийни управлениейн, маджлис къурмишавъуйнбы ал- дамишавъуйнбы. Мад- жлисеехъа рутылбыши- ке жюрийн комиссие адыйн, амма ушахар абы деш. Мани маджлисее цIаIхбышин фольклор ва цIаIхни мизекен ва адабиятыкен ацIаал’ ва гьаIракатбы Бабаюртни районеенче абыйни Калел’ни йыIкьнекни мактабни ушахарше джони маъаIлимайква Гуляра Ас- лановайква гьагу. Анджах, ман- быщшди заIгьматыс кьиймат гьев- лесын санаъаIткарар хъобтIул деш. «БыIт’ дешда» иш гьавъу. Мани фестивале мыкIаршиина, гьоокIуйбышда тамаше вухьа. Тамашейс абыйн инсанрше , адыйни хорагбышике дад гьау. Фестивалее иштырак гьауйни ушахаршис ва маъаIллимаршис грамотабы ва пайбы гьуво.