Токlани ишхеке къийна инсанна ыlмыр, ешайиш аlслыда водун. Маlгьдын джамаъаlтни тасарруфатыхъад отрасл’ дешин токlан иших ишлемиш гьидяъан.

Рутулын район аlкьанани сувал’ни районбишди сыранеехъа гехьа. Мааъад йихьыдле миллет’ (рутулбы, цlаlхбы, лезгибы, аварбы, лакбы, азербайджанлыбы) мугьуlббатыква ешемишоохьи. Советни девурын токlани ишхени сардан районыс хаlбна иш къавдже. Эфирзанбышеенче, чlалагбышеенче, дамабышиле оогъанче токlан иших цlыцlау. Токlани ишхен инсанар ачухни дюнйелхъа манке хъыгъавъу. Сабара вахтале токlалин пешт’бы, телевизорбы, холодильникбы, радиобы алищу. Гойне мобил’ный телефонбишин вышкабы гиххьы. Маныд токlака ишебашеехъа адчу. Рутул районни Сувал’ни магьаlл­ылхъа токlан иших цlыцlауйн 45- 50 ле сен эйхьи. Гыргын кар мысахьее йиссе хъехьен. Мани сенбишди аlрее токlан истолбабы йиссе хъыхьа хъыlчейнбы, симмар хъодуйнбы, трансформаторбы йиссе хъыхьа. Сувал’ни магьалыл’ аlсас гуджнакан гёгъыйбы, йизбы  гёгъуйнкъаl,  токlан ишихбы гьаlфтабына эйхьи деш. Манчина сабаб истолбабы гьыlгъадкурий ва симмар хъодуй ваяххуд трансформаторбы гёдхьуний воохьи.  Сенис хъаъанбы, анджах манчин такьатбы таамхьайнбы. Манчихъа гора, Сувал’ни магьаlлыл’ быкырба токlани ишхена линия тезелемишааъас вуккан. Токlан иших дешданкъаl сувал’на ыlмыр даянмишоохьена. Гьайни йигъбыше, гёгъыйбышиле хъийгъа, токIан истолбвбы гьыIгъадкыр, симмар хъоду ишыхбы мед адкIын. Манбы хъауй са хаIбна дагъамийвалла вобна. Манчина сабаб зы ооъаб увгьона. КьоIдъэсдаб дагъамийвалла, Сувал’ни маIгьалыл’ кумаг дехьай вобна. Агар хъодкула увгьее , гыргыни хиваршин джамаъаIт имааджийс хъигъечIи деш. Мана хабар шас джинягъбышди хивни джегьиле Ибрагьимов Мирзе АIгьмадни дихее гьуво. Манкъуни увгьойка, Сувал’ни маIгьалыл’ кьоIдле йигъна ишихбы ыхьа деш. Гъыгъадкырийн истолбабы ва хъодуйн симмар хъаъас садджу имааджийс ДжинаIгъни хивын джамаъаIт хъигъечIу. Джо мантёраршика саджигее ишихбы хъау, гейбна заIгьмат гьаъу. Менни хиваршин джамаъаIтбы кумагыс хъигъечIу деш.  Анджах, токIан иших Леканче гидгъыл Куссурхъамее  гыргынкъвее ишлемишаъан.ГьаIшде токIана линия ишлемишоохьи вобна. Ши заIгьмат гьавъуйни инсанаршикIле эйгьен: «Вушди къел’- хылес кьуват гьевлена!»