Гьайни сенни октябрьни 18-чил’ Къызларни районеени Мирный донани хивее цIаIхбышда мавлид вухьа. Мана МаIгьаммад Пейгъанбарыс (с.аI.с.) къабсыр
МаIгьаммад Пейгъанбар (с.аI.с.) хиджрайква Рабиул’ Аввал’ни вуза дюнйейлхъа ары. Эле гьаIшде гьамана ваз вобна эвчIу. Мани вуза мусурманарше МаIгьаммад Пейгъанбырыс (с.аI.с.) къадсырыйн маджлисбы алгъайгьи. Агар григорянни календарыква тутушмишавъэ, мана 10 йигъна гьар сен гьихъа хъавайли. Гьайни сен Рабиул’ Аввал’на ваз октябрьни вузылхъайий ноябрьни цIеддыйни суралхъа хъооI вобна. Мани вуза йишди Пейгъанбар МаIгьааммадни (с.аI.с.) е бейтбы, ваъаIзбы хъаIдаххъа.
Исламни динылхъан аIшкь ыхьай ва манчини гьаIкIеедын кIораленчен ацIаал’ алеетIуй хаIдын сувааб водун. Гьайни гунагьбынани дюнйейл’ ешемишехьенкъаI, гьар инсане гьаммашийни дюнйеехъана джига гьазирааъас вуккан.
Ши, цIаIхбыб, мусурманершини уммайнбы вобунбы, манчихъа гора Исламни диныс ыIбадат гьаъас ыккан.
Няаъаб цIаIхбы ешемишоохьи вухьеейиб, манбыше Аллагь йикIее гьуваджи, чалышмишоохьенбы мусурманийлхъа бирмишауйн хьодле шартI гьуваджес. Манчиле гъайре, имкан вобхьее, чалышмишоохьенбы сувааббы гьаъас: манзик аляаъа, йыIгъ гивийххьи, йаIхъ гьааъа ва медын ишбы къеджи.
Къийнийна йишда гаф Къызларни районни Мирный хивее илгъевчIуйни цIаIхбышди маджлисни гьаIкIеена вобна. Мани хивее ешемишоохьен инсанар хаIббананбы цIаIхбы вобунбы, Мишлешни хивеенче кочмышхьайн хизанбы водунбы. Мани хивни, мани хивее ешемишехьени джамаъаIтни, мааъаб алявъуйни манзикни гьаIкIее ши оIт’мишхьайни кIазтени нумрабышее джурабаджур макьалебы гьувойнбы.
Маджлис- мавлидее иштыракаъас Сувал’ни магьалыле Бабаюртни районеени цIаIхбышди хиваршенчен имамар, ва мебын динэгьлер хъобтIул. Анджах сабара чIырваликва багълыданани дагъамийвал’бышихъа гора, хаIббананбы аблес ваIвхы деш.
Маджлис Мирный хивни манзикни имамее Ислям Шихбиядовее вукку. Маджлис Кьуръанееени суррабышиква гибгъыл. Хъийгъа маджлисеехъа абыйни имамарше ва динэгьлерше джамаъаIтыс исламни динни гьаIкIеедын маIълумат гьуво. Гьар чыхыш гьаъанкъвее са ваъаIз сабыйнбышис гьуво. ХаIдданан ваIъазбы йишди Пейгьанбар МаIгьаммад (с.аI.с.) гьаIкIеедынбы ыхьа. Манкъуни ыIмрени гьаIкIее, манкъуни темизийвал’ни гьаIкIее, манкъуни ацIаал’ни ва маIърафатни гьаIкIеедынбы ыхьа. Маджлисее цIаIхни мизел’ мавлид хъаIбхъы. Манзикеехъа абыйни инсанаршини суалбышис джаваббы хъуво. Мани маджлисее адамершиле гъайре, едаршед иштыракаы. Маджлисыле хъийгъа садакьа гьуво. МислягьаIтеехъа хъабыйнбы сенис маIгьдын маджлис — мавлидбы гыргыни цIаIхбышди хиваршее алгъагьас
аIгьаммад Пейгъанбар (с.аI.с.) хиджрайква Рабиул’ Аввал’ни вуза дюнйейлхъа ары. Эле гьаIшде гьамана ваз вобна эвчIу. Мани вуза мусурманарше МаIгьаммад Пейгъанбырыс (с.аI.с.) къадсырыйн маджлисбы алгъайгьи. Агар григорянни календарыква тутушмишавъэ, мана 10 йигъна гьар сен гьихъа хъавайли. Гьайни сен Рабиул’ Аввал’на ваз октябрьни вузылхъайий ноябрьни цIеддыйни суралхъа хъооI вобна. Мани вуза йишди Пейгъанбар МаIгьааммадни (с.аI.с.) е бейтбы, ваъаIзбы хъаIдаххъа.
Исламни динылхъан аIшкь ыхьай ва манчини гьаIкIеедын кIораленчен ацIаал’ алеетIуй хаIдын сувааб водун. Гьайни гунагьбынани дюнйейл’ ешемишехьенкъаI, гьар инсане гьаммашийни дюнйеехъана джига гьазирааъас вуккан.
Ши, цIаIхбыб, мусурманершини уммайнбы вобунбы, манчихъа гора Исламни диныс ыIбадат гьаъас ыккан.
Няаъаб цIаIхбы ешемишоохьи вухьеейиб, манбыше Аллагь йикIее гьуваджи, чалышмишоохьенбы мусурманийлхъа бирмишауйн хьодле шартI гьуваджес. Манчиле гъайре, имкан вобхьее, чалышмишоохьенбы сувааббы гьаъас: манзик аляаъа, йыIгъ гивийххьи, йаIхъ гьааъа ва медын ишбы къеджи.
Къийнийна йишда гаф Къызларни районни Мирный хивее илгъевчIуйни цIаIхбышди маджлисни гьаIкIеена вобна. Мани хивее ешемишоохьен инсанар хаIббананбы цIаIхбы вобунбы, Мишлешни хивеенче кочмышхьайн хизанбы водунбы. Мани хивни, мани хивее ешемишехьени джамаъаIтни, мааъаб алявъуйни манзикни гьаIкIее ши оIт’мишхьайни кIазтени нумрабышее джурабаджур макьалебы гьувойнбы.
Маджлис- мавлидее иштыракаъас Сувал’ни магьалыле Бабаюртни районеени цIаIхбышди хиваршенчен имамар, ва мебын динэгьлер хъобтIул. Анджах сабара чIырваликва багълыданани дагъамийвал’бышихъа гора, хаIббананбы аблес ваIвхы деш.
Маджлис Мирный хивни манзикни имамее Ислям Шихбиядовее вукку. Маджлис Кьуръанееени суррабышиква гибгъыл. Хъийгъа маджлисеехъа абыйни имамарше ва динэгьлерше джамаъаIтыс исламни динни гьаIкIеедын маIълумат гьуво. Гьар чыхыш гьаъанкъвее са ваъаIз сабыйнбышис гьуво. ХаIдданан ваIъазбы йишди Пейгьанбар МаIгьаммад (с.аI.с.) гьаIкIеедынбы ыхьа. Манкъуни ыIмрени гьаIкIее, манкъуни темизийвал’ни гьаIкIее, манкъуни ацIаал’ни ва маIърафатни гьаIкIеедынбы ыхьа. Маджлисее цIаIхни мизел’ мавлид хъаIбхъы. Манзикеехъа абыйни инсанаршини суалбышис джаваббы хъуво. Мани маджлисее адамершиле гъайре, едаршед иштыракаы. Маджлисыле хъийгъа садакьа гьуво. МислягьаIтеехъа хъабыйнбы сенис маIгьдын маджлис — мавлидбы гыргыни цIаIхбышди хиваршее алгъагьас.
