Санахьа Россиейни мактаббышее цlеддийни сентябырыле тезе хъаlдхъийн сен гидгъыл. Дагъыстанни хааIрынкъве Сергей Меликове ман йыгъ тебрикаа увгьойн: «Гьайин 2022-ъэсын сен таIгьсилын сенхьинне йишди республикайл’ къейдаъа водон манчихъа гора ши чалышмишохьенбы районбышей ва хиваршей цIедын ушахаршин бахчебы, мактабы аляъас ва сабара мактабышей уфтанын ремонтбы гъааъас. Санахьа Россиейни мактаббышее цlеддийни сентябырыле тезе хъаlдхъийн сен гидгъыл. Дагъыстанни хааIрынкъве Сергей Меликове ман йыгъ тебрикаа увгьойн: «Гьайин 2022-ъэсын сен таIгьсилын сенхьинне йишди республикайл’ къейдаъа водон манчихъа гора ши чалышмишохьенбы районбышей ва хиваршей цIедын ушахаршин бахчебы, мактабы аляъас ва сабара мактабышей уфтанын ремонтбы гъааъас.
Санахъа йишди республикайл’ цIебба мактабейхъа абкIынийнбышин сай 55 аазыр ыхьа ва гыргыни мактабейхъа абкIынни ушахъаршин сай 453 аазыр ыхьа.
Тезе хъаlдхъийни сенис къадсырыйн тадбырбы Рутул районни Сувал’ни магьаlлыл’ни мактаббышейид илгъечlуйнбы. Манбыше, аlдат гьуваджы, сифтаба цlеддийни сыныфейхъа хъабыйн ушахар югба къаршиламишавъу. Сыныфбышика, манбышис дарс гьелесди маъаlллимаршика танышувхьессе гьихъа, линейкайн йигъынджахбы алгъавгьу. Мактабни директорарше махъа сабыйн ушахар, манбышин деккярий едяр, дарсыбы гьелессын маъаlллимар хъаlдхъийни сениква табриквъу. Манбышис хъаlдхъее угъурбы аlрзау. Мани саягъылидын тадбырбы Бабаюртни районее цlаlхыйн миллет ешемишехьени хиваршейид илгъечlуйнбы. Мактаббышейхъа шадба хъабыйн ушахар маъаlллимарше къаршиламишавъу. Манбышис хъаlдхъее угъурбы гьеххъы. Гьайни сен мактаббышейхъа тезе хъабыйни ушахаршин сайид гьийдни сенбышихъа иляаканкъаl, хаlдхъыхьа.
Гьайни дагъамийвални вахтал’ ушах мактабейхъа оIтиргьауий вахарийн кар деш водон. Увгьойхъа гора, гьар ушахыс цIедын палтар, сумкIа, дафтарбы ва китаббы, къаламмы алищес 10-15 аазыр манат пулна вуккан. Сабара хизанбы водонбы вазият дагъамын. Манбышихъад имканбы дешинбы ушахаршис мактабейхъа лазымын карбы аллишес.
Ахрейни сенбышей маIгьаIдни аилебышис Сувал’ни магьаIлылни «Инсан» донани фондыни сураке кумаг гьели водон. Манбыше «Дора ушах мактабейха сааъас» («Соберем ребенка в школу») донан акция алгъавгьу мани фондейхъа имканнани ва хыл’ ачухни инсанаршди кумагыка сабара хизанбышис, ушахар мактабейхъа сааъас, кумагбы гьеленбы. Гьайни сеныд манбыше ман акция алгъавгьийн. Мани фондыни хаIрынкъве АIсадуллагь Рамазановее гыргыни кумаг гьувойбышис сагъолва ва джони кисайс барака гьевленава увгьо.
Сабара республикайни шагьарбышей ва районбыше ман акция администрациебышди суракед алгъайгьен, амма йишди районе ман кар дешин, саджу «Инсан» донани фондын алгъайгьи.
Манчихъа гора ши мани фондына иш вукейкани АIcадуллагь гьаIджийкIле ва Элдар гьаIджийкле баркаллагьва эйгьи. Гьар имкан вобункъве манбышис миллетыс къеджени лазымни ишбишей кумагбы гьаъас ыкан.
Ши, гьайни сен тезеба мактабейхъа, ушах бахчейхъа ва оони сынфбышейхъа, абкIынни ушахаршикIле, манбышди деккяршикIле, едяршикIле ва джони маъаIллимаршикIле ман йыгъ мубаракда ихьенва эйгьи!.
