Исламни динее гьагуйни хьони фарзбышда сайиб гьаlдж къилмишавъуй вобна. Гьаlджилхъа гьаркlыйни, зияратбышис ыlбаадат гьауй, земземни хьинеке илёдгъый хаlббананбышда мурад вобна. Къийна мани сардан инсанаршихъаб гьийдни сенбышыйдын хьинне дагъамийвалла дешда.
Гьаlшде гьаlджилхъа гьаркlын-хъарый нимее сибык хъыхьа. Шавыхъадый гьаlдж къилмишааъасын имканбы вод, манбышис нишикенаджаб четинийвалла дешда. Манбы гьокуlматын самолетбышика джигалхъа гьивхьарааъанбы. Гьаlдж къилмишавъуйле хъийгъаб рвгьаlтба сивийкlаланбы. Гьаlшде гьаlджилхъа гьаркlын-хъарый нимее сибык хъыхьа. Шавыхъадый гьаlдж къилмишааъасын имканбы вод, манбышис нишикенаджаб четинийвалла дешда. Манбы гьокуlматын самолетбышика джигалхъа гьивхьарааъанбы. Гьаlдж къилмишавъуйле хъийгъаб рвгьаlтба сивийкlаланбы. Гьар сен дюнйейни акьвал’ милйонбышика инсанар гьаlджилхъа гьавайкlан. Манмеган ааlгьалий къаршиламишавъуй, манбы ерлешмишавъуй, зияратбышее ивийкаравъуй сибыкна иш дешоюна. Манбышди джаргее Россиейнченбы кlыл’ба дешинбы. Республикайни динэгьлибышди ишбышихъа иляакани ташкилатын гьувойни маlъълуматхъа гора, гьайни сен Дагъыстанейнче 10 000 инсаныс гьаlджилхъа вуххъаlсын имканбы гьуво. Къийнийни йигъыл’ манбышда гыргына гьаlджил’ вобунбы. Манбыше уфтанба, дагъамийваллабы дена гьаlдж къилмишааъа вобна.Сениле-сенилхъа гьаlдж къилмишааъас вуххъаlнбышди джаргее йихъбышин сайид хаlд хъехьи водун. Сувал’ни магьална имам Эл’дар гьаlджи Аlббасовни увгьойка, гьайни сен манбышин сай энки хаlдын водун. Манбы Оlмаров Абубакар, Ибрагьимов Адил’, Аlгьмадов Тlаиб, Аlгьмадов Ренат, Аlгьмадова Къызетер, Шаlъбанов Магьаlммад, Шаlъбанова Роза, Шаlъбанов Гьаlджимурад, Мусаева Раlйгьанат, Мусаев Расул, Мамедов Нариман, Мамедов Джамбулат ва мебынбы вобунбы. Гьаlджилинбышин гыргынбышин добы агъмыш гьидяуйхъа гора, хаlдын хаиш гьаъан, шаке инджимиш моохье. Манбышди сыранее йишин къонши Азербайджанни республикее ешемишоохьен йихъбыб вобунбы. Сабара вахтаке гьаlджилхъа гьабкlынийнбы хайбышейхъа савкаlалас. Къийна манбы делесийнбыше, гугьар-гьамбазарше тентенейква гозетяаъа вобунбы. «Нур» кlазетни редакциейн гыргын йихъбы аlзизни Кьурбанни байрамука табрикааъа. Аlзизын чуба, йичибы шу къилмишавъуна гьаlдж Аллагьее кьабыл’ гьааъана. Хайбышее, хиваршее болвалла вухьена!
