Навруз байрамыхъад геед йиссейн таарых водун.  Ман гьинчиле хьебыд аазыр сенна гьихъа алгъайгьи гидгъыл. Къийна юххьанийн тезе йигъ Балканни оlлкабышее, Маркази Азиейл’ Делесни Машрыкъыл’,  Кавказыл’ хаlдни тентенейква алгъайгьи.

Мартни вузани 15-чил’ Магьаlчкъалайни шагьарее Урусаршини театре манчис къадсырыйн  концертый шадваллабы илгъечlу. Мааъад Дагъыстанее ешемишехьени миллетбыше  джон наврузбышика багълыданан аlдатбы гьагу. Мартни вузани 15-чил’ Магьаlчкъалайни шагьарее Урусаршини театре манчис къадсырыйн  концертый шадваллабы илгъечlу. Мааъад Дагъыстанее ешемишехьени миллетбыше  джон наврузбышика багълыданан аlдатбы гьагу. Наврузни йигъыс гьаlзирауйни йигъынджагъее республикайни  шагьарбышейнчейий районбышейнче адыйни фольклорни дестебыше иштыракау.  Манбышди джаргее  Рутул районейчена фольклорна десте вухьа. Манбы майданехъа накьра-зурнайква хъигъебчlы. Къаварчерше гьаъани уфтанни макьамбышика районни маданиятни управлениейни ишчерше мыкlар гьау. Манчиле хъийгъа, манбыше наврузни байрамыс къабсырна тамаше гьаагу. Шадлыгъбышис ярашугъ пегьливанарше гьуво. Манбыше джурабаджура оlюнбы гьагу. Манбышда маlърака кече-папахын шешитявъу.Уфтанын шадлыгъбы джурайда Дагъыстанее ешемишехьени азербайджанлыбыше алгъагьу. Манбыше Урусаршини театрни гьийд майдам къурмишау.  Дербентни театрни артистарше, хъобтlуйлыйни мигьманарше тентенейкван концерт гьагу.  Концерт Дагъыстанее ишлемишехьени Азербайджанни джамиятни ташкилатын гьаlзирау ыхьа.  Гьайни сен Наврузбы алгъайгьенбышди аlрайл’  садджу цlаlхни миллетын гьагуй  ыхьа деш. Мани саягъылин шадлыгъбы  гьаlзираъанбышис Дагъыстанее цlаlхыйн миллет ыхьай кlелидхынийн. Аlхырейни вахтал’  ши йишди миллетыс сикlы гьокуlматни сураке къеккани саймазыйвал’бышика экlба-экlба растына хъавайли. Манчиныд ши шадааъа деш. Агар цlаlхбы Дагъыстанни Конституциее гьагуйн миллетхьее, манбы  гыргынанкъаl вухьес вуккан. Гьар карее барабарийвалла вухьес вуккан.  Ман республикайни Конституциее одкlунийн кьанун водун. Умуд гьааъана, геледжагъыл’  мани  саягъыл’ни нагьаlкьийвал’бышика ши растына хъавалес деш. Цlаlхни  миллетын Наврузбы гьаммаше алгъавгьуйнбы. Къийнад хаlдданани хиваршее ман аlдат гьуваджы водун. Юххьанийн тезе йигъ гыргынбышис мубаракда ихьен!Гыргынбышис сен югун, болун хъален!