Октябрьни 9-чил’ Дагъыстанни девлет педагожи университетни (ДДПУ) хаариджий мизяршини факультете цIаIхна, рутулна, агъулна адабиятын мизар артымишаъас ва гьуваджес къабсырна кIыл’на маджлис вухьа. МагьаIбни мислягьаIтыква ДДПУ профессор, ДР-ни джамаъаIтни палатайна уIзву АIлисултан АIлисултанов хъигъечIу. Махъа иштыракаъас агъулни, рутулни, цIаIхни миллетбышин эл’чера абы. Джони аIрее вухьайнбы М.О. Ибрагьимова, д.ф.н, ИЯЛИ ДФИЦ РАН-на хааIрна ыIлимна ишчий, С. Гь....
Октябрьни 1-чил’, Раби-ул’-Аввал’ни вуза Пейгъанбар ЫIсайни дойил’ни динни марказее Рутул района мавлид Ан-наби вухьа. Мавлид йишди Пейгъанбар Муlгьаммадыс (с.аIл.с.) къабсыр ва мана вудж едике ыхьайни вуза Раби-ул’-Аввал’ алгъавгьу. Мани маджлисее иштыракаъас МагьаIчкъаленче, Рутулни, Къызларни ва Бабаюртни районбsшенче, Россиейни сабара шагьарбышенче ааIлимар- динэгьлер абы вухьа. Манбышди аIрее йишди миллетын чубарайий йичибыб вухьайнбы. Мана маджлис Дагъыстанни муфтиятын,...
Октябрьни 5-чил’ йишди гьоIкуматыл’ маъаIллимаршин Йигъ алгъайгьи. Гыргыни вахтал’ маъаIллимна ва джуни пешейна дараджа гьаммаше ахтывале вухьа. МаъаIллиме садджу ушахаршис ацIаал’джад деш, манчиква барабарда тербие, насигьаIт гьели. Ман санаъаIт Аллагьыке хъооIн водун. МаъаIллимни заIгьматыке инсанын ешайиш ва геледжагъ аIслыда. Дохтурарыб, инженерарыб, конструкторарыб ва мебын санаъаIткарар маъаIллиме гьазирааъа. ЦIаIхбы гьаммаше ацIаалилхъа гьавасыкван инсанар вухьа. Мани миллетын...
Къийна цIаIхни миллетхъаб хаIбба ишкарар вобунбы. Манбы садджу Дагъыстаней джаб деш, Россиейни хаIдданани регионбышейиб растына хъавайленьбы. Манбыше заводбы, фабрикабы, цехбы ва сабара медын ташкилатбы ишлемишаъа. Къийнийна йишда гафчий Воронежни шагьарее ишлемишехьени ООО «Миратом» ташкилатна хааIрна Сафаров Махач Керимна дих ворна. -Махач чоджий, гъу хаIбвалла гьааъани ташкилатни гьаIкIее шакIле хаIдда къайиххьы. Дора къийнийна йишда гаф ташкилатни...
Гьайни сен Рутул районни геллесди тасарруфатбыше ейлагъбышейхъа дамазлыгъбы хъады деш. Манбыше коч джос гыранда гийъарва, малкъара къышлагъбышей гьассыр. Ейлагъбышейхъа малкъара коч гьаийнбышди джаргее СПК «Ленин» тасарруфатыд водун. Тасарруфатын гыранаийвалихъа ил’дяакы, гьар сен джон малкъара сувалхъа ейлагъбышейхъа хъадайлен. Гьайни йигъбышее «Нур» кIазетна редактор Байрам АIбдуллаев ишыква алаакьана мааъар ыхьа. Мана тасарруфатни къийнийни вазиятыка танышхьа, чобанаршиква хъызахы,...
АIхырейни вахтал’ джони хаишиква СВО вуххъаIнбышин сай хаIдхъыхьа. Джаванарше хаIнни иштагьайква контрактбы ойкIан. Гьайни йигъбышее сайид мани саягъылидин контракт Этномедиахолдинг «Дагъыстан» ташкилатни ишчее АIли ГьыIсейнове одкIун. АIли ГьыIсейнов СВО джуни хаишиква Ватан къорамишааъасдимее ооIххъаI. Мана Этномедиахолдинг «Дагъыстан» ташкилатее редакциебышее ишлемишехьени транспортыхъа илякка. Манкъве гьааъани ишихъа ил’дяккы, СВО воохьени эскераршини джаргейхъа илёзарасди кьарарейхъа хъары. Къийна манкъуни...
Къийнийни йигъыл’ Россиейни авхуйни миллетбышди игитершиква саджигее цIаIхни халкьни джаванршед СВО хаIдын иштырак гьаъа. Манбыше йишда хаIбна Ватан Украине сабыйни миллетчершике азадааъа. Манбышди хаIббананбышди гьаIкIее ши «Нур» кIазете макьалабы гьувойнбы. Къийна йишда гаф Тюбее ешемишоохьени кьаIгьраман чубабышди Тарланый Таджидин АIгьмадоваршини гьаIкIее вухьес. Манбышда кок Мишлешни хивейнчена вобна. Джегьилершини деккейи едее, Уруджейи Хадижате, Тюбей юрд абчына...
Раби-ул’-авал’ мусурманаршини (вазни) календарыка йишда пейгъанбар МуIгьаммад (с.аIл.с.) дюнйейлхъа арына ваз вобна. Агар григорянни календарыква тутушмишавъе, мана 10 йигъна гьар сен ихъа хъавайли. Гьайни сен Раби-ул’-авал’на ваз сентябрьни вузалхъа хъабы. Мани вуза мусурман оIлкабышил’ йишда пейгъанбар МуIгьаммад (с.аIл.с.) исламни диныква багълыданан маджлисбы илгъечIи, йишда пейгъанбар МуIгьааммад (с.аIл.с.) гьаIкIеедын бейтбы, ваъаIзбы хъаIдаххъа. Мана ваз Дагъыстанейиб гейбни...
1999-ъэсн сен Дагъыстанни таарыхейхъа кIарни гьаIрфбышиква одкIун. Манке республикайни сабара сувал’ни районбышейхъа ярахыква хаариджи банддестебы иккебчIы. Азгъунувхьайни душманаршини фыкрее Дагъыстанни Конституциейн къулай хъоттулуй, мааъаб ешемишоохьен халкьбы джос таIъбы гьавъуй ыхьа. Амма манбышди фыкырейдынбы джосджад аху. Торпахбы душманаршике гьувааджесдимее Дагъыстанын халкьбы саджигейхъа сады. Манбыше эскераршиквайий полициейни ишчершиква хъитIобтIул абыйни мигьманаршин йыIкь гьакьварыйин. Гьайни йигъбышее мани гьадисабышин...
Къийна хаIбба цIаIхни халкьни джегьилерше игитерше хьинне СВО иштыракаъа. Манбышда гьаарна са ахтыйни доюс лайикьра ворна. Гьайни йигъбышее муслагъалий Наврузов ГьаIджимагьаIммад Джелилна дих «Генерал-полковник М. Танкаевни» медалыс лайикьра къаджы. ГьаIджимаIгьаммадыс медал республикайни ТОКС-ни хаIрынкъве, афганни гьаадисабышдииштыракчийе, хьебни элес «Красная Звезда» орденбышда кавалер НурасулмагьаIммадов МагьаIммаде, генерал-полковник М.Т. Танкаевни фондни хаIрынкъве ГьаIсангьыIсейн АIбдулджелилове гьуво. Медал гьеленкъаI М.Т.Танкаевни...
